苟姑娘幾時會脫離處女黨呢？
藝人苟芸慧任超市開幕剪綵嘉賓，期間為心形牛扒加上配菜，穿上圍裙的她儼如「女煮人」，更語出驚人，突然問男司儀：「男人係咪覺得女仔着圍裙係最性感？」嚇得司儀語窒不懂回應，場面惹笑。
要時間了解對方
事後苟姑娘表示當有感覺時也會炮製心形牛扒，但卻指暫時未有適合對象，對於今年情人節，問到緋聞男友陸漢洋可有約她？苟姑娘謂：「冇呀！應該忙。（仲了解緊？）係需要啲時間了解大家，我好冇安全感，等大家影到有個人陪我shopping就係嗰個嘞！」記者隨即指她早前才被拍到與陸漢洋到太古城買賀年禮品，自打嘴巴的苟姑娘即扮傻謂：「有啲咁嘅事？我都鍾意男仔陪我行Grocery（雜貨店），佢幫你揀食材就會睇到佢係咪細心。（咁陸生細心？）細心，識佢嘅人都知佢好細心。（陸生咪幫你揀囉！）因為我唔識揀嘛！」
爆好多人追
問到她被拍到與陸漢洋Shopping，豈不是承認戀情？苟姑娘卻縮沙謂：「等再影到先，有啲嘢係需要時間培養，感情都係，畀啲時間同空間我。（會公開戀情？）唔介意。（好多人追？）有幾個朋友了解中。（賽車手首選？）係㗎！有共同話題易啲溝通，我又鍾意賽車，總之有好消息會講」
互相拜年
苟姑娘更指陸漢洋新年期間有到其家中跟父母拜年，問到父母對他評價？她謂：「覺得佢好細心，因為陪我買嘢。（有冇催婚？）冇，佢哋畀時間我諗清楚，真係要時間諗清楚，我拍拖都會以結婚為前提。」對於有指前緋聞男友郭富城女友方媛懷孕，苟姑娘表示不知情，坦言若果是真的便祝福她。
來源 source: http://hk.on.cc
|
鍾意就快D Share啦！
|
|
|
