網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年2月15日 星期三

【勁淡定】梁漢文爆Eason遇地震首先拎… __,Eason,梁漢文,陳奕迅,

Eason(右圖)遇到地震都仲咁鎮定,果然見開大場面!歌手梁漢文(Edmond)於情人節在佛山舉行個人巡迴演唱會,其太太、媽咪及一班親友團也有到場支持。他更特別帶給老婆驚喜,冒險走落台送花給老婆,令老婆開心到暈。感恩太太患癌康復冇復發Edmond於台上跟觀眾分享,說這個情人節對他來說,有三重義意。第一,這是他人生首個內地個人巡迴演唱會,見滿場觀眾熱烈支持,令他十分開心。第二,今年是情人節,太太又在 ...


Eason(右圖)遇到地震都仲咁鎮定,果然見開大場面!

歌手梁漢文(Edmond)於情人節在佛山舉行個人巡迴演唱會,其太太、媽咪及一班親友團也有到場支持。他更特別帶給老婆驚喜,冒險走落台送花給老婆,令老婆開心到暈。

感恩太太患癌康復冇復發

Edmond於台上跟觀眾分享,說這個情人節對他來說,有三重義意。第一,這是他人生首個內地個人巡迴演唱會,見滿場觀眾熱烈支持,令他十分開心。第二,今年是情人節,太太又在場與他共度,非常有愛。第三,太太之前得了癌症,兩人奮力抗戰之下,終於打敗癌魔,醫生指癌病五年內不作復發才算真正找回健康,今年2017年剛好踏入第五年,看到台下太太健健康康坐着看他演唱會,他覺得這是世上最好的情人節禮物。

自爆機上整蠱安仔

台上除了大唱情歌應節,Edmond亦有大爆身旁好友趣事,逗得觀眾哈哈大笑。他先是大爆試過整蠱許志安(安仔),在飛機上偷了他的身份證,並貼上菠蘿頭貼紙於他的樣子上,待他下機過海關時,海關叫安仔: 「許生,唔該你撕番你個貼紙,唔係我哋認唔到係你。」搞到安仔非常尷尬。另外,Edmond又爆與陳奕迅(Eason)於台灣酒店房遇上地震,他說:「當時我第一時間拿番個化妝袋,我就即刻拿銀包拖埋老婆走人。陳奕迅就勁喇,大家叫佢走啦,佢只係一手拿起包煙,然後『哦』一聲,就跟住我哋走啦,哈哈!」

99枝「永生花」贈太太

演唱會後,Edmond說他沒時間去搞花,所以吩咐工作人員去幫他買,想不到他們非常有心思,為他買了99枝「永生花」,他:「呢個花我都係第一次聽,佢哋話唔會謝,可以放好耐。祝我老婆永遠身體健康,之後重可以一枝枝拿出來,放喺浴缸浸浴用,可以變番梘。」問到Edmond會否立即同老婆一齊試吓鴛鴦戲水?他笑言:「今晚唔好喇,做完騷好鬼攰,今晚都係自己沖就好,哈哈!」除了花之外,問到Edmond有沒有準備其他禮物給老婆?他就說;「終於過咗呢五年,老婆依家算係完全康復,我諗住做完個騷,計劃緊同佢一齊去吓旅行囉。」

畀人偷萬蚊鞋

講到第一次內地巡迴演出,Edmond說最難忘是發現他第一部分演出時穿價值萬元港紙的名牌鞋不翼而飛,令他有點無奈,他說:「我冇諗過竟然會有人偷鞋囉!我唔知邊個咁鍾意我偷走我對鞋,咁唔偷都偷咗,我就當好意頭,你幫我拿走所有『鞋鞋』聲,等我以後都開心過日子!希望對鞋適合佢着,又着得開心啦。都係身外物,人生最緊要還是健康同開心,我唔會再去追究啦。」

內地騷堅持唱廣東歌

Edmond又說本來大會預計五千觀眾,最後因為爆滿又再加開多千多位,共六千多人進場與他歡度情人節,令他十分驚喜。演唱會非常成功,主辦單位已經斟他稍後繼續去其他地方巡唱,雞年第一事業上的好消息。整個演唱會Edmond也是唱廣東歌,完騷後觀眾反對他說聽得十分爽,更有歌迷說這些年很難再有一個香港歌手整個音樂會也是廣東歌,令他們十分珍惜及開心,廣東歌帶給他們非常多的回憶。內地歌迷對廣東歌的回響,也是Edmond從來沒想到的,他表示:「仲諗住自己冇乜國語歌,驚佢哋唔鐘意,點知原來全部都係撐廣東歌,真係好開心。」


來源 source: http://hk.on.cc
鍾意就快D Share啦!