上《蘋果》fb Live Sammi轉軚會生B：頂多兩個
鄭秀文（Sammi）未結婚，大家催婚，結了婚，大家催生B，嫁給許志安後的Sammi曾表明不生，可是她昨日在尖沙嘴接受《蘋果》facebook live訪問時，自揭婚後心態轉變，許太竟心動想生B：「要嚟就嚟啦，如果生，頂多兩個，呢個交畀上天去處理。」
■鄭秀文昨日在尖沙嘴接受《蘋果》facebook live訪問，她自爆婚後由抗拒生B，變為有意生兩個。攝影：郭賢興
現年44歲的天后鄭秀文，2013年跟許志安低調結婚，兩人婚後更見恩愛，但卻甚少放閃。Sammi昨日在尖沙嘴接受《蘋果》facebook live訪問，罕有大談家庭生活，當有網友追問她生仔問題，Sammi忽然轉軚，一改以往抗拒態度，更表示一切順應天意，但最多只會生兩個。
■Sammi昨日面對網友的提問，均大方回答。
■安仔與Sammi婚後不時被影到拍拖購物。資料圖片
生女唔怕似安仔Sammi和安仔組織了家庭，粉絲當然期待他們製造下一代，昨日有網友問Sammi何時生B？Sammi說：「如果我知道我幾時生B都幾勁喎，人係好多unknown，呢個交畀上天去處理，𠵱家個心態冇以前百分之二百咁抗拒，𠵱家好啲，要嚟就嚟啦。」看來Sammi不抗拒生B，已做好心理準備隨時做媽咪。會想生多少孩子？她說：「我就嚟更年期嚟緊，如果生，頂多兩個，太多唔使，一個起、兩個止。」若只生一名，Sammi指仔女都沒所謂。
既然Sammi對生B表示歡迎，網友又再問她假如生了B女，但囡囡樣貌百分百似安仔，會否接受？她即答：「OK！每人每個樣都有可取嘅地方。」可會幻想安仔長頭髮樣子？她笑言：「哈，OK嘅，你會接納佢嘅，自己嬰兒，你唔覺得每個父母都覺得子女好beautiful咩？」問向來要求嚴格的Sammi可會變怪獸家長？她回答：「我冇資格評論，因為我自己冇做過父母，唔知個難處喺邊。我自己覺得冇家長想做怪獸家長，個教育制度令家長變成怪獸家長，令佢哋無所適從，某程度上佢哋都係少少受害者。不過真係要識得攞到balance，因為小朋友童年嘅快樂真係好重要，一個人嘅童年好影響佢將來，沉喺功課同壓力中會好痛苦。」
有粉絲指想Sammi和安仔合體拍戲，但她卻耍手擰頭說：「唔會呀，應該冇人想睇，畀我都唔想睇。」粉絲改為建議合體開騷，她卻感興趣：「呢個都幾特別喎，因為演唱會係唱歌，呢個我記錄在案！」Sammi還考慮今年搞side track演唱會，她說：「今年會出，不過唔會做到好大型，近似係歌迷聚會，唔識我歌嘅人勸佢唔好入場，無謂悶親，我唔係做一個大眾容易認同嘅歌單。」
■升呢幸福人妻的Sammi，整個人更見開朗，充滿正能量。
■Sammi平日出席活動，對小朋友都表現愛錫。資料圖片
■去年個唱操出弗爆身形的Sammi，今年有意再開騷。資料圖片
最叻煮鹵肉牛腩人妻Sammi不時在社交網分享撚手美食，她謂招牌菜是台式鹵肉：「我煮親大家都食十碗八碗飯，試過有個男仔嚟食咗三十碗，我有時都會燜吓辣牛腩。」明日情人節，Sammi與張孝全要到寧波做電影宣傳，所以不會與老公安仔共度，被問哪個情人節最浪漫？她衝口而出說：「要諗即係冇，最多煮吓飯仔，寫張卡。」
採訪：何永寧、懷鈺、朱晉傑
攝影：郭賢興
場地提供：Hair Culture
|
鍾意就快D Share啦！
|
|
|