熱爆娛樂: 【Mandy表示…】豪宅加3億搞掂洗米華成功說服洗米嫂唔離婚 _

2017年2月23日星期四

【Mandy表示…】豪宅加3億搞掂洗米華成功說服洗米嫂唔離婚 __,洗米華,Mandy Lieu,Mandy,陳慧玲,洗米嫂,周焯華,

（新增回應）經過一年零兩個嘅努力箍煲，澳門古天樂——周焯華(洗米華)終於得米……唔係，係得番洗米嫂唔離婚喇。Mandy Lieu呢？人在英國，繼續湊B。算唔算大團圓結局？仲記得前年年尾，洗米華同啱啱由英國返港嘅Mandy Lieu「世紀一拖」，洗米嫂陳慧玲(Heidi)執意離婚，頭家幾乎散晒。事件醞釀超過一年，洗米華一直採取緩兵之計，拖字訣，遲遲唔肯動筆同洗米嫂簽紙離婚；另一方面，就安頓Mandy留喺倫敦湊一對仔女。雖然洗米嫂一直向身邊好友透露會繼續辦離婚，但洗米華多次出招許下諾言「我只得一個周太」。近幾個月，洗米嫂態度明顯緩和軟化，舊年聖誕，二人又以主人家身份主持太陽娛樂周年晚宴，老爺仔女全家總動員撐場，洗米嫂仲大方將全家福貼上Instagram。據《蘋果》收到可靠消息，洗米華經過一年努力箍煲，加上叮囑Mandy遠離澳門同香港，唔好再刺激洗米嫂，又大灑銀彈安撫Mandy，繼舊年送上千萬英國豪宅後，有傳再送3億元俾Mandy同一對子女作為生活費，更承諾每月至少去英國一次探望她們，Mandy近排嘅曝光率，明顯減少咗。(新聞連結：http://bit.ly/2lsxEk4 )眼見Mandy近排再冇小動作，洗米嫂終成功俾洗米華說服，撤銷離婚申請。噚晚集團舉行10週年演唱會「傳奇之夜」。結束後，一家人齊齊整整出席慶功宴。現場賓客所見，洗米華洗米嫂恩愛合體招呼客人，着住厘士透視黑裙嘅洗米嫂，盛裝之餘仲露埋半球，性感到暈。同一身黑look嘅洗米華，襯到絕！對於撤銷離婚，《蘋果》問洗米嫂回應，佢冇否認，只答：「無可奉告！」至於身在英國嘅Mandy，就透過經理人表示：「唔會回應有關新聞。」

	洗米華經過1年時間箍煲，終於o氹掂洗米嫂唔離婚。 (Heidi ig圖片)	噚晚演唱會後，洗米華同洗米嫂合體喺慶功宴招呼賓客。(Heidi ig圖片)
洗米嫂心情勁靚，仲搞笑俾兩個閨蜜拍pat pat影相。 (Heidi ig圖片)	洗米嫂噚晚好性感，但一直匿在包廂，未有現身。 (Heidi ig圖片)	前年12月，洗米華同Mandy呢「世紀一拖」，幾乎搞散頭家。（資料圖片）
銀彈政策有效，Mandy呢排少咗好多動作。（資料圖片）	洗米嫂近月態度軟化，同洗米華頻頻合體，上年集團搞聖誕party，二人就以主人家身份招呼客人。（資料圖片）