蕭正楠吊威吔整親入院。
藝人蕭正楠依家忙緊拍無綫新劇《深宮計》，連尋日（23日）佢40歲生日都要喺工作中度過，佢仲同台前幕後工作人員食蛋糕慶生，原本開開心心，但點知佢喺拍攝期間唔小心整親，搞到要工作人員推輪椅出入，真係大吉利是。
蕭正楠女友黃翠如將男友坐輪椅嘅片，上載咗去社交網，片中睇到着住古裝嘅蕭正楠，由一名男工作人員推住喺輪椅嘅佢現身一個停車場，蕭正楠唱住生日歌畀己聽，真係有啲無奈。黃翠如又有留言話：「受傷到醫院還會唱歌的怪人…」之後，東網搵到黃翠如問佢蕭正楠傷勢：「佢吊威吔整親，依家公司畀佢休息吓先。」而蕭正楠自己上載咗一張拍攝時跌低嘅相片，留言：「世事就係咁奇妙，戲裏戲外也弄傷腳了！」
估計傷十字韌帶
及後蕭正楠接受東網訪問，講到佢個傷勢，佢表示開咗十幾日工，尋晚一個失神就拗親，佢之後去咗醫院診治，當時急症室醫生話冇骨折，估計係十字韌帶整傷，要照磁力共振先知情況，佢話：「人就冇乜嘢，係隻腳痛啫！」
來源 source: http://hk.on.cc
|
鍾意就快D Share啦！
|
|
|
