達明一派向David Bowie致敬！
達明一派紅館演唱會開鑼，唱到一連串快歌時歌迷high爆企起身，唱到《迷惘夜車》時，台上播出一些老翻霓虹燈招牌。唱到《十個救火的少年》時，兩人原先企在台中升降台升上去 ，但劉以達蝦碌唔記得，本想行出升降台，但個台已開始升起，黃耀明即刻行去提佢，之後台上個大波降落他們中間，而鍾楚紅、黃偉文等人都high爆企起身。之後明哥開口講嘢：「多謝！好興奮！本來以為呢部分會好傷感，好矛盾。」達問大家：「你哋high唔high呀？」之後兩人合唱唱《今天應該很高興》，歌迷拎出電話當螢光燈，又獲歌迷送花。
達明請了何韻詩任嘉賓，她身穿斜膊造型配高跟長boot，兩人再合唱David Bowie的《Under Pressure》，唱完耀明錫詩隻手，之後三人攬攬。之後明笑言佢哋兩人加埋成百歲，故攞出封信，讀出寫畀偶像David Bowie的信，之後唱出《剎那天地》，但一開始明又甩嘴，笑言這是David Bowie的歌，唔可以唱錯。
來源 source: http://hk.on.cc
|
鍾意就快D Share啦！
|
|
|
