2017年3月24日 星期五

【獨家】公園拍拖放狗 林憶蓮恭碩良慈父賢妻feel勁恩愛 __,憶蓮,恭碩良,林憶蓮,

林憶蓮喺大陸歌唱節目《歌手》度技壓四方,大熱姿態殺入決賽,係比賽出盡風頭一次都冇比人淘汰過,咁喺私底下嘅佢又係點o架呢?日前,林憶蓮同男友恭碩良(Ju ...


林憶蓮喺大陸歌唱節目《歌手》度技壓四方,大熱姿態殺入決賽,係比賽出盡風頭一次都冇比人淘汰過,咁喺私底下嘅佢又係點o架呢?日前,林憶蓮同男友恭碩良(Jun)齊齊現身數碼港公園,唔好以為佢哋去跑練氣,其實佢哋係去拍拖放狗。當日5點幾佢哋帶埋兩隻愛犬去數碼港公園,阿Jun一去到就好似小朋友咁撩其他狗玩,非常活潑,而反觀憶蓮就相當文靜,自己一個撳電話,之後有位外籍人士接近,仲有傾有講似乎三人係認識。之後人越嚟越多,而憶蓮開始放低電話,投入傾偈同玩狗,不過佢仍然keep住內儉,都只係輕撫愛犬。及後有位外籍小朋友行近,睇嚟就係想同狗狗玩,不過唔夠膽接近,呢個時候平時睇嚟形象狂野、豪邁嘅恭碩良慈父上身,教小朋友同動物相處,盡顯溫柔一面,加埋憶蓮真係十足十一對無範夫妻。天色開始入黑,而憶蓮同Jun同外籍人士三人兩犬一齊揸車離開。

《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

攝影:徐錦池、吳耀輝 林憶蓮同恭碩良齊齊現身數碼港公園 恭碩良好活潑咁撩其他狗玩
而憶蓮就相對文靜 見到男友玩得咁開心,憶蓮都笑晒
有小朋友想同狗仔玩
憶蓮同恭碩良都好有耐性咁教小朋友同狗狗相處

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...