今次真係要靠李亞男啲靚湯固本培元喇！
藝人王祖藍以董事身分，率領旗下藝人陳國邦、羅敏莊和老婆李亞男等在灣仔會展出席「2017手工藝創作有限公司項目發佈會」，與一眾合作夥伴宣布未來工作大計。會上，他透露自己未來會在電視劇《牛魔王》中演主角牛魔王和自編自導自演、曾偉監製的電影作品，其公司亦會打造一系列綜藝節目。正式宣布旗下藝人時，他便笑指老婆李亞男「冇咩工作安排」：「主要都係煮飯！」李亞男聞言即笑住答：「我會全力以赴，做到最好！」搞到祖藍忍不住嘲笑：「呢個係十年前TVB口號，你行」令全場笑爆。
打造李亞男做「最索人妻」
祖藍和老婆受訪時就笑言「冇咩工作安排」是為雪藏對方，令亞男笑謂：「啲飯炒得唔靚就雪，壓力好大！」不過祖藍好快就兜番話老婆其實都是一棵「搖錢樹」：「佢做個好老婆先有好老婆嘅形象去得到客戶青睞！」更指自己會打造對方成為「最索人妻」。提到未來工作，他指自編自導自演的電影會在秋季公布詳情，而《牛魔王》則來年年初開拍：「幾億投資呀，幾大壓力！」
拍嘢搞到甩頭髮
問亞男如何幫老公減壓，她就指自己會包辦家中瑣事，為對方分擔壓力。而祖藍就指昨日和前日分別飲到老婆煲的粉葛湯和冬瓜湯好感動。第一次煲粉葛湯的亞男即謂：「仲有條魚，要整死條活生生嘅魚係好大挑戰，要戴晒手套，啲血標晒出嚟，唔敢望！」又笑指事前有試味，好在試完「未死得」。提到黃宗澤亦在邵氏旗下開工作室，祖藍亦指已經同對方傾合作機會，希望可以雙贏，亦指自己未來亦會再簽藝人，會在下年公布。講到他在台上指自己壓力大到甩頭髮，他即指老婆發現他生了三條白髮：「甩頭髮方面就好啲，最近可以早睡早起，拍嘢嗰排就會甩多啲。」
來源 source: http://hk.on.cc
|
鍾意就快D Share啦！
|
|
|
