男友陳家樂炒車撞壆 余香凝鼻裂臉傷恐破相
藝人余香凝前晚遇上交通意外，男友陳家樂開車載她途中，遭尾隨車輛高速撞車尾，座駕直剷石壆停低，車身嚴重損毀，Total Loss要報銷！余香凝手腳受傷，臉部受損、眼角鎅傷兼鼻骨骨裂，不排除會破相！至於陳家樂頸部受輕傷，揚言會照顧受傷女友一生一世。
影壇新貴余香凝（Jennifer）早前入圍「第36屆香港電影金像獎」提名「最佳新演員」獎項，前晚飛來橫禍遇上交通意外！陳家樂當晚駕車接女友Jennifer放工，駛至大學站附近時，在迴旋處突遭尾隨車輛以高速駛近並從後撞上車尾，座駕隨即剷上石壆，車身玻璃碎裂，車廂冒煙，車內的安全氣袋即時彈出，Jennifer手腳擦傷，臉部同告受損，眼角鎅傷兼鼻骨骨裂，隨時破相，她隨即到醫院接受治療，情況令人憂心。
搭車有陰影
Jennifer昨日在陳家樂陪同下到沙田一間醫院覆診，兩人手拖手見傳媒。Jennifer提起前晚的意外時仍心有餘悸，憶述當時在香港仔放工後由男友接送，說時眼泛淚光：「去到大學站附近『砰砰』兩聲，我哋架車向前撞，啲窗裂晒，Airbag彈出嚟！我望一望佢，佢問我有冇事，之後我覺得塊面好痛，照鏡見到損晒、流鼻血。（留疤？）醫生唔擔保，要睇自己處理。」兩人指對方司機同樣流鼻血，並已道歉，問到賠償問題，陳家樂透露對方願意賠償及負責任，而座駕已報銷，暫時不考慮買車及開車。Jennifer直言事件令她留下陰影：「尋晚搭的士走，我都好驚，意外真係好難講，好彩我仲企喺度。」她事後接受電話訪問時，更表示相信今生都難以忘記當時車廂冒煙的氣味。
停工損失數十萬
據知，余香凝需休息4至6個星期，原定要拍攝一段洗頭水宣傳片段，而訪問工作亦被迫延遲，估計損失約6位數字。問到傷勢會否影響她出席下月在港舉行的香港電影金像獎頒獎典禮？她說：「唔擔心，如果到時啲焦未甩，我咪將另一邊臉都塗黑襯番，我咪咁去囉！塊面有事唔係身體有事，今次係大家對我嘅肯定，會堅持出席。」她與陳家樂事後在社交網報平安，叮囑各位珍惜眼前人。
至於陳家樂昨日接受本報電話訪問，透露脊椎位置不舒服：「覆診後醫生話女友傷口有少少發炎，我都好擔心，如果有任何事，都會照顧佢一生一世。」他又表示撞車後未有報警：「因為現場已經有人報警兼有警員到場，咁啱有架的士喺隔籬，我就叫Jennifer搭的士去醫院先，之後搞埋善後工作。」他透露對方司機願意賠償醫藥費等費用，事件已妥善解決。
文：專案組
採：影視組、名人組
|
鍾意就快D Share啦！
|
|
|
