喜事連連 復出拍新劇
車保羅榮升爺爺 笑孫仔似蝦米
恭喜恭喜！現年57歲的車保羅（原名吳溟蒼）昨日首度榮升爺爺，其24歲混血兒子吳卓偉與新抱Gerlie的B仔昨日上午順利出生，重6.23磅，健康可愛。
車保羅昨日在電話中喜孜孜地說：「我孫仔今朝7點17分出世，佢老竇係雞仔，我呢個孫又係雞仔，頂癮呀！我新抱喺屯門醫院生，個孫好輕，得2.85kg（約6.23磅），我啱啱抱佢嚟，真係好似攣弓蝦米咁。」問他首次做爺爺的感覺如何時，車保羅說：「梗係驚喜若狂」又指孫仔尚未正式改名，但他們都叫BB做Prince Timothy，並指孫仔暫時樣子似兒子。
首度做爺爺的車保羅，昨日抱着剛出世的乖孫時一臉滿足。
車保羅指孫仔樣似兒子，估計他將來也生得高大。
車保羅和菲籍太太Inday結婚後恩愛爆燈，不時在網上放閃。資料圖片
心律不正入完院
原來車保羅日前因病入院，沒想到孫仔乖巧，等他康復出院才出世，令他大感幸運和欣慰。車保羅說：「早兩日我入咗醫院，心律不正，呢樣好耐嘅事啦，忍咗好耐，但最後發現唔對路，過咗年咪入醫院check囉，3日搞掂，唔使通波仔，醫生話食阿士匹靈得啦，之後血管全部過到，但唔可以做粗重嘢、唔好受刺激，即係你鬧我阿媽我都要忍。人老就機器壞㗎啦，自己講說話陰聲細氣啲囉。」
車保羅兒子吳卓偉（左一）去年底與女友Gerlie奉子成婚。資料圖片
出山拍港版《CSI》
除了康復出院和孫仔出世外，車保羅還有一單喜訊，就是獲ViuTV邀請出山拍劇，跟邵仲衡、尹揚明、楊思琦和劉錫賢等拍攝港版《CSI》的新劇《詭探》。記者指車保羅孫仔腳頭好時，他笑謂：「Very good。」
車保羅在2003年被無綫炒魷後，只偶爾拍攝電影，整整14年沒拍劇集，問他今次為何肯出山時，車保羅說：「對方誠意邀請，戲軌又啱。部劇全部鬼，用晒香港以前發生過嘅靈異事件代入劇情，幾過癮㗎。」可擔心拍劇辛苦？他說：「唔會，我哋得幾組㗎咋。」
採訪：魯吉
邵仲衡將為ViuTV拍攝靈異新劇《詭探》，跟車保羅合作。資料圖片
|
鍾意就快D Share啦！
|
|
|