「動起來，為新的力量喝采。」成日都動起來嘅郭富城，近年不時有消息傳佢想停下來，成家立室喎，自從城城公開咗佢同方媛嘅戀情之後，愛得高調，不時都有傳出方媛大肚，城城有意無意暗示想結婚。今日網上就有一個留言，話城城下個要結婚喇喎！是咁的，喺大陸某個論壇，有網民就留咗個言：「剛才聽銀行工作人員說，她一個朋友要換港幣，說下個月父母要去香港參加表妹婚禮，表妹跟郭富城結婚，表妹是方媛。」其實網民講咩都得嘅，可唔可信呢？大家可以諗吓嘅……《蘋果》就問過城城經理人小美，小美回應：「首先多謝大家對城城的關心。其實城城響年頭已經有表示過會規劃一下自己的人生大事。不過，當下佢仍然在內地趕拍緊孫悟空（《西遊記之女兒國》），我需要等佢完成咗一切拍攝，才可以仔細了解。不過，這個規劃會在今年內發生的機會亦有的，而且亦都係時候了，不過我當下手頭上並沒有資訊，但是希望大家畀多啲祝福城城啦。」其實上個月城城出席活動時，都有提及到「我會諗吓人生計劃係乜嘢。」講到咁，係唔係真係今年就要結婚喇？（新聞連結： http://bit.ly/2nvIDdL ）而方媛今日都有喺IG貼咗張相，係話自己要剪頭髮，會唔會係為結婚做準備呢？
| 睇機今年結婚嘅機會唔細喎 | | |
| |
來源 source: http://s.nextmedia.com
|
鍾意就快D Share啦！
|
|
|
