藝人金燕玲接受電台訪問，講到第十次提名金像獎最佳女配角獎，雖然她曾拿過兩次金馬及三次金像獎，但從未試過憑同一作品連奪金馬及金像獎，故繼金馬獎後，她渴望憑同一電影第四次奪取金像獎最佳女配角，她謂：「每部戲無論幾多戲份，我都用心演，每拍完一部戲，獲得提名都係目標，如果提名當然想攞獎，之前試過金馬、金像獎都提名，但未試過憑一部戲攞兩個獎，我個心當然想（連中兩元），但都唔敢諗太多。」
同蘇施黃一齊原因
感情方面，金燕玲剖白與蘇施黃（阿蘇）的十二年關係，經歷兩次失敗婚姻，與第二任丈夫育有一女的她，坦言第一段婚姻失敗已令她對婚書失去信心，到年約五十歲時發現第二任丈夫有外遇，以致離婚由英國回港後，她更一度對感情失去信心，直至2005年機緣巧合下，她遇上了蘇施黃，令她對「真愛」兩字有不同見解，她謂：「當時我英國返嚟乜都冇，阿蘇覺得我好淒涼，前途又見唔到光明，我又有個女，唔知點算好，佢就話『等我照顧你啦，我冇咩可以畀你，同我一齊之後有個屋企畀你住，個女放假返嚟又可以住，唔使擔心交租啦』，最初我係呢個原因先考慮同佢一齊。」
明白真愛冇分性別
金燕玲續謂：「最初我問阿蘇可唔可以淨係做朋友，她話『唔得！某程度上你係我嘅Partner！』，但我話我唔係攣喎，阿蘇就同我講『我真係鍾意你、想照顧你，你唔使做啲咩，但你會係我嘅Partner。』」她坦言介意別人怎看她，徵詢過身在外國女兒的意見後，她才跟阿蘇一起生活，但開頭幾年她始終介意外人眼光，承認頭幾年關係不太舒服：「一齊差不多12年，經歷好多，我用咗6年時間去接受，因為唔知佢係咪玩玩吓，加上我同佢一起生活時仍會同佢講『我唔係鍾意女人㗎！』，直到依家我都係咁樣同佢講，但同阿蘇嘅經歷真係令我對佢改觀，佢真係對我真心，對我好好，今日我終於明白，真愛其實冇需要分性別！我知佢真係好欣賞我，畀我好多空間，畀我做番自己，又履行諾言照顧我，令我相信真係有一個人會無條件錫你，放我喺第一位！」
望早死過阿蘇
金燕玲跟前夫所生的女兒現年已27歲，已在英國找到穩定工作，對此金燕玲坦言已放下人生重擔，沒有遺憾：「我最重要嘅囡囡唔再需要我掛心，又有一個人真心對我，今日我真係活得好開心，我成日同阿蘇講，我隨時走都冇所謂，但你千祈唔好早死過我，佢早死過我，我點算？」講到有指阿蘇儲了兩億給她，她笑言：「有就好我真係希望早死過阿蘇！」
|
鍾意就快D Share啦！
|
|
|
