掃呢頁CODE去手機

2017年4月8日 星期六

【劉鑾雄講大劉(13)】花逾200億收購珍藏 大劉終於遇上一生最愛 __,劉鑾雄講大劉,劉鑾雄,大劉,

大劉愛藝術品、古董、珠寶及紅酒,是佳士得、蘇富比兩大拍賣所常客,更是全球10大藏家之一,06年以1.35億元買入AndyWarhol名作《毛澤東》肖像 ...


大劉愛藝術品、古董、珠寶及紅酒,是佳士得、蘇富比兩大拍賣所常客,更是全球10大藏家之一,06年以1.35億元買入Andy Warhol名作《毛澤東》肖像,震撼拍賣場。早於70年代,大劉已活躍藝術買賣,當初「導」他成迷的,原來是髮型師。【一周買五架法拉利】

大劉說:「佢以前喺大陸,未落嚟香港之前,係讀藝術品,見到我買好多架跑車,我試過使錢好癲,一個禮拜買五架法拉利,叫司機去買,嗰sales以為佢整蠱。」大劉續道:「髮型師同我講,佢覺得好嘥,跑車會折舊,又要買保險,又要維修,叫我不如收藏藝術品、古董。」歷年來,大劉已斥資超過200億買珠寶、名畫及古董等心頭好,專供拍賣會重點精品,越收藏越升值,不過亦經歷過俾人呃、托高價、買假貨等「交學費」。【250蚊升到5千萬】

收藏藝術品是大劉的個人興趣:「有啲人鍾意去賭場賭錢,輸幾廿億都面不改容,有啲鍾意畀女人呃,又面不改容,有啲鍾意畫,買跑車、賽車。」問到大劉對收藏品升值潛力看法,他表示:「珠寶睇吓咩珠寶,玉器就升值得犀利,因為中國經濟,鑽石雖然有升幅,但肯定都唔夠瓷器同啲畫犀利。你講畫,係西洋畫嚟講,有一輪興炒現代畫,我見過一幅西洋畫,40年前買250蚊美金,到幾年前賣咗大約4、5千萬美金,Andy Warhol畫嘅。」眾收藏中,亦有反映大劉的人生哲理及直覺,在其位於灣仔華置的辦公室中,擺放了一幅「是非只在時勢,公道不在人心」的對聯。大劉說:「根本冇公道,你勢強,人哋話你啱;你勢弱,明明你啱嘅,就話你唔啱!」【買紅酒都用咗10億】

另一幅掛在牆壁、出自已故美國畫家Jean-Michel Basquiat、題為「Everything must go」的畫作更是大劉「一生中至愛」,因為同他第一間上次公司愛美高的英文名Evergo類同:「廿幾年前,當時畫家未成名未死,買嗰時因為呢句說話,Everything must go,純粹咁橋好似我叫人畫咁,最鍾意唔係佢價值,係佢嘅意義,嗰時見到佢好似相逢恨晚咁,好似見到個靚女咁,唔搵佢做女朋友唔得,買嗰時25萬美金,依家我諗係5,000萬美金。」對於紅酒,大劉不視作投資,年輕時愛開party,因而狂買靚紅酒,不同年份、牌子都搏命買,至少花費了10億以上,若然未有飲用,估計已值6、70億。統籌、採訪:陳月媚

攝影:陳俊強

攝錄:NEO、馮嘉銘、吉吉【劉鑾雄講大劉(1)】

獨家 千億富豪劉鑾雄 24歲問家傭借錢入院割膽

http://bit.ly/2ngVqNq【劉鑾雄講大劉(2)】

走過三輪水貨 「風扇劉」血淚史:唔夠半年已經冇錢出糧

http://bit.ly/2obalOj【劉鑾雄講大劉(3)】

遭猶太人出賣 大劉:我係廢柴中嘅廢柴,懵炳中嘅懵炳!

http://bit.ly/2mPTGzh【劉鑾雄講大劉(4)】家道中落 老父開廠俾人呃晒 大劉10歲前冇床瞓

http://bit.ly/2nr56WG【劉鑾雄講大劉(5)】大劉親剖與父關係:初則口角,繼而動武

http://bit.ly/2on7WQC【劉鑾雄講大劉(6)】聘福臨門廚師為家廚 大劉狠批昔日飯堂:依家唔啱胃口!

http://bit.ly/2oLevsv【劉鑾雄講大劉(7)】保鑣變毛巾黨 大劉驚握手:啲男人小完便唔洗手!

http://bit.ly/2oBDr69【劉鑾雄講大劉(8)】渣甸山大業主帶鎚仔收樓:扑爛咗,再做過!

http://bit.ly/2nzVt76【劉鑾雄講大劉(9)】大劉鬧廢青:叫佢咪去旅行?仲慘過殺佢老竇老母!

http://bit.ly/2oBFA51【劉鑾雄講大劉(10)】出手太狠跌200億 大劉:我點會唔怕輸!

http://bit.ly/2p4k31h【劉鑾雄講大劉(11)】首開腔為供股集資解畫 大劉:每次狙擊都係被迫

http://bit.ly/2nSgPh2【劉鑾雄講大劉(12)】股民爭買窩輪牛熊證覺「抵賭」 大劉譏:啲人冇腦吖嘛!

http://bit.ly/2nL2CBy

【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline

(攝影:陳俊強) 06年大劉以1.35億元買入Andy Warhol名作《毛澤東》肖像

來源 source: http://s.nextmedia.com
鍾意就快D Share啦!