呢期最紅，肯肯定，就係最真心一對嘅何雁詩同鄭俊弘。曾自爆患過厭食及抑鬱症、瘦到得番70幾磅嘅何雁詩，就連媽咪都擔心到攬住佢喊。上月底何雁詩突然以「身體出現問題」為由，辭演無綫台慶劇《誇世代》。(新聞連結: http://bit.ly/2nKN292 )本來一直茫無頭緒，直至爆出與鄭俊弘這段戀情，大家就開始估…關唔關呢位麥明詩口中「TVB首席男歌手」嘅事？前日傍晚，雁鄭十指緊扣宣告戀情，何雁詩話，推《誇世代》同戀情係兩件事嚟嘅。但再追問呢段感情會唔會有更大壓力？何雁詩提高八度話：「當然係承受好大壓力啦，上報紙都會有好大壓力，同埋要好刻意咁隱藏一段感情，點都會有壓力，但就同我自己個病，同拍劇係冇關係嘅。」(新聞連結: http://bit.ly/2ofIbkv )係咪睇到有啲頭暈？件事其實又係點？何雁詩辭演《誇世代》時，其實，佢已經入咗組，拍咗兩組戲。咦，又咁啱，同抽佢男友水話佢係TVB首席男歌手嘅麥明詩，同劇。但何雁詩據知係演銀行職員嘅。之前造型呀劇本呀都有晒，拍緊0架喇。知情人士指，何雁詩拍完《誇世代》兩組戲後，至上月中，監製陳維冠收到何雁詩message話自己有情緒病，又聲稱已經睇醫生睇咗幾年，據知何雁詩同監製講：「已經頂唔順，唔可以再做。」而最大問題係，何雁詩辭演呢段時間，拍嘅戲份都係集中晒何雁詩身上，主要都係拍佢，廠期都有晒，依家何雁詩稱病，冇法子，惟有放行，臨時臨急搵蔣家旻頂何雁詩個角色，廠期都要delay——簡單而言就係冧檔，何雁詩嘅戲份亦需重新拍過。演員入咗劇組之後突然辭演，事不尋常，而更不尋常係，
1.何雁詩明明開緊《天命》同《誇世代》，但頂得順拍古裝兼且仲要返大陸開工嘅《天命》，而受不了《誇世代》？
2.嗰頭話自己身體有事，轉個佢就同陳瀅飛咗去歐洲旅行。無論係身體有事定情緒問題到頂唔順開劇，咁樣咁病點可以飛咁遠去旅行？
3.如是情緒病，但何雁詩又話唔關鄭俊弘事。咁鄭生係2015年7月求婚，2年間竟然由戀富家女beebs變成戀何雁詩，咁中間呢三個人一定經歷過一啲嘢，咁何雁詩嘅情緒病，真係唔關鄭俊弘事？
4.機場見到何雁詩好似無咩事，愛情威力咁大？究竟事實係點？
|
鍾意就快D Share啦！
|
|
|
