姊弟戀唔夠一年就玩完。
台灣天后蕭亞軒（Elva）上年8月佢生日嘅時段，被影到同細佢13歲嘅高爾夫球好手Michael Chen，齊齊喺泰國慶生而爆出戀情，之後二人多次被拍下甜蜜外遊，更傳出同居消息，上個月佢哋仲一齊食海鮮，正當大家以為佢哋好有機會一齊走到尾時，凌晨時段Elva喺社交網發文證實已經分手。
其實分手一事早前已經有先兆，尋日就有網民發現Elva取消咗追蹤Michael嘅IG，唔少人都相信Elva只係「撳錯掣」，估唔到今日凌晨Elva喺社交網發文以52個字交待分手情況，不足一年的姊弟戀正式畫上句號：「向來我都不覺得正當談感情有甚麼需要遮遮掩掩的，但這次讓我長大了，原來很多事真的只能放在心裏，慢慢消化.....我會好好的。」
來源 source: http://hk.on.cc
|
鍾意就快D Share啦！
|
|
|
