66歲徐少強寶刀未老！
66歲武打藝人徐少強於1995年與細他卅多年的嫰妻結婚，至今育有一仔一女，幸福滿滿。但今有指徐少強背嫩妻搭上23歲內地艷星羅雲琦，更指羅雲琦是「發電機」，經常向徐少強發電。
同羅雲琦上契劃清界線
東網記者致電身在內地的徐少強，他承認羅雲琦相當主動，但他不為所動，仲契咗對方做契妹，他謂：「佢（羅雲琦）的確成日黐埋嚟，我為咗唔想有誤會，所以契咗佢做契妹，劃清界線，唔想大家誤會！（太太知唔知？）佢知道。」徐少強又指在內地拍戲經常有艷遇，不少女仔會夜半敲門，但他有妻室當然不為所動。
女方主動要求做助理
至於問到羅雲琦有甚麼主動攻勢？徐少強表示：「我哋合作拍戲，有時冇佢嘅戲分，佢都會嚟片場，話要做我助理，但我根本唔需要助理。（點解要特別契佢做妹妹？）因為同佢一年合作咗三部戲，好少有咁嘅情況，多數合作完一套，幾年都唔會遇番，呢個就咁啱一年合作咗三部戲，而佢又咁主動，所以就契佢做妹。」
力撐兩公婆感情好
談到與太太的感情，徐少強指非常好，他謂：「佢同一對仔女係北京生活，有時有啲大節日，佢都會帶啲仔女嚟片場陪我，我哋好好呀。」
來源 source: http://hk.on.cc
|
鍾意就快D Share啦！
|
|
|
