「小春雞」打尖出世 黎諾懿：生殖器好強壯
藝人黎諾懿昨日榮升爸爸，其太太李潔瑩由預期順產改為剖腹分娩，母子平安。黎諾懿即時在社交平台分享一家三口的合照，並留言：「神之子……小春雞正式降臨人間。」更搞笑指囝囝的「何B仔」很強壯！
熱愛小朋友的黎諾懿與太太李潔瑩，2014年結婚後積極造人，終懷上男胎，二人的愛情結晶品昨日出世，重6.6磅，母子平安。一索得男的黎諾懿，即時在社交平台分享一家三口的合照，並留言：「神之子……小春雞正式降臨人間。」雖然B仔的乳名是「小春雞」，但卻絕對不可「睇小」！黎諾懿受訪時笑指兒仔「何B仔」強壯：「第一眼見到囝囝嘅生殖器好強壯，聲音仲好雄厚添！」
臨時決定開刀
黎諾懿指「小春雞」的預產期本來是本月16日，太太亦打算順產，但最終接受醫生建議「打尖」開刀，他說：「老婆本來堅持順產，但呢幾日感覺唔同平時，醫生檢查話老婆就生得，但BB未轉頭，個頭未入產道，同埋個仔個頭比較大，建議開刀生，幫我哋打尖安排產房。開刀嗰陣個仔都好百厭，左閃右避，最後醫生要用吸盤吸佢出嚟。」
交由師傅改名
黎諾懿表示初為人父心情好得意，感覺神奇，但由於星期日才決定翌日開刀生BB，給老婆「詐型」由求婚、結婚到生仔也十分倉卒！問到覺得BB似他還是媽媽？他笑說：「啲人話個樣似媽咪，我覺得對眼似我。」篤信風水的他，打算交由師傅為囝囝改名，英文名則由太太負責：「湊仔唔係問題，因為係我哋兩個家族嘅第8個BB，所以好熟手！」
文：影視組
來源 source: http://orientaldaily.on.cc
|
鍾意就快D Share啦！
|
|
|