吳綺莉逗留警署唔夠半個鐘就離開。
藝人吳綺莉早前涉刑事恐嚇女兒吳卓林被捕，今日她約十一點四五分離開寓所到灣仔警署報到，在警署逗留不足半小時後，她於中午十二時二十五分離開。她乘搭扶手電梯落地面後，未有停步接受訪問，只是雙手合十向在場記者示意。
心情煩躁
吳綺莉步行到告士打道取車，期間她被問到會否被正式起訴，戴口罩遮倦容的她即語帶煩躁謂：「冇事呀！有事我就唔會企喺度！」當被問到女兒卓林會否銷案時，她又謂：「唔好再問喇！」又怕記者撞到車輛而輕力推開記者。當差不多到座駕附近時，她被問到卓林現時情況，她雙手合十說：「冇事呀都話，真係冇事。」但未有回答女兒是否出院。之後，她便登車駕駛離開警署附近範圍。
兩母女要時間冷靜
到十二時三十五左右，吳綺莉到灣仔瑞安中心泊車，然後講咗陣電話。記者問是否相約了朋友食飯？她表示：「依家就去食飯。」問到是否搵朋友傾偈？吳綺莉苦笑一會，之後自嘲身上條貼身褲亦變鬆身褲，身體一日比一日瘦，並叫記者不要再跟着她。問到警察會否正式起訴她？吳綺莉想了一會後表示：「我真係唔講得。（卓林點？係咪出咗院？定畀時間大家冷靜？）都係。（呢排成日一個人？冇朋友陪？）有你哋陪吖嘛，我真係冇嘢呀。」吳綺莉於下午一時半許返回大坑寓所。
來源 source: http://hk.on.cc
|
鍾意就快D Share啦！
|
|
|