藝人簡淑兒（Jessica）是眾多少男的夢中女神，而女神也有初戀時，Jessica除了大方分享初戀，更自爆被一位日籍情人改變愛情觀，到底如何才能吸引Jessica的注意，她的擇偶條件又是甚麼？
提起初戀Jessica馬上笑過不停，她說：「都好耐啦，大約17、8歲，係同學嚟嘅，佢係香港人嚟，而我8歲就移民咗去美國，喺初中識呢個男仔。有一年我暑假返咗嚟香港，佢又有返嚟，所以就帶我一齊去玩。」事隔多年Jessica仍然記得，情人節整曲奇餅予男友，不過因為太趕忙而未能成功，所以今次Jessica再次挑戰整甜品，並且一舉成功。
提到Jessica最刻骨銘心的一段情，她就說是初初從美國回港時遇上的日籍男友，她說：「呢個男仔真係完全改變咗我嘅愛情觀！」難道是對方偷食出軌，導致Jessica愛情觀大變？非也，Jessica甜甜一笑說到：「佢令我覺得鍾意一個人，感覺係最緊要！而且佢仲係我唯一一個主動表白嘅男仔！」Jessica仲大方分享她的表白經過：「我哋係同事嚟，佢係日本人，嗰陣佢要離開香港返日本，我突然覺得勁唔捨得，於是就借機同一大班同事同佢搞歡送會。完咗之後，我就扮話教佢講廣東話，我話：『我鍾意你！』問佢知唔知咩意思，佢話唔知，我答佢：『It means I very like you』，好在佢答：『I very like you too！』」可惜的是，Jessica這段戀情，再一次因為長距離而失敗告終，而且只維持了短短大半年時間。
這段戀情過後，Jessica對愛惰的觀感大不同：「以前會覺得個男仔對自己好，就可以考慮一齊，因為之前都係追咗我一、兩年，但依家會覺得感覺先係最重要，對對方有感覺，唔使特別做啲乜嘢都可以一齊。偶然接我收工，已經好sweet，唔使送禮物。」以為女神揀男友一定好多要求？Jessica就說她要求很簡單，她說：「我想對方成熟啲，又可以陪我玩，而且個性溫柔咁就夠喇！」
服裝：Sparkonlineshop
場地：Ocasa
鳴謝：Barry@J&B Ent
|
鍾意就快D Share啦！
|
|
|