熱爆娛樂: 【向太話成龍有情有義】劉嘉玲中肯回應：人有好多唔同layer _

2017年4月5日星期三

【向太話成龍有情有義】劉嘉玲中肯回應：人有好多唔同layer __,向太,陳嵐,劉嘉玲,成龍,嘉玲,

劉嘉玲、鍾楚紅(紅姑)、張新悅、梁家輝大女梁穎晨(Chloe)同鄧愛嘉等人今晚喺中環置地廣地出席Roger Vivier展覽活動，就快生得嘅鄧愛嘉已經肚大如籮，仍足踏3吋高踭鞋現身。至於嘉玲同紅姑大鬥性感，嘉玲deep V露事業線，紅姑就露膊，各有各靚。今次嘉玲都有應邀設計手袋，用咗佢自己鍾意元素，例如心、開心、密碼同音樂等等。嘉玲又提到自己嘅自家時裝品牌，喺上海老家將會再舉行時裝騷，到時佢唔會做埋模特兒行騷？佢就話唔會，只會以設計師身份謝幕。提到之前佢出席成龍慶祝奧斯卡終身成就獎活動，那可有留意對方與吳綺莉嘅家事新聞？嘉玲就話：「有睇報道。人哋家事好難講，希望呢件事，每一個人可以順利度過，每一個人都有難處。」至於早前向太陳嵐稱成龍曾遭巨額勒索，又稱成龍曾為此痛哭（新聞連結： http://bit.ly/2mZfoRB　），嘉玲就表示冇聽過佢被人勒索，亦冇見過佢喊，問到覺唔覺對方有情有義時，嘉玲就表示：「人有好多唔同layer，唔係剩係得一面，我都有好多面。影壇有一個咁傑出藝人，我哋應該為佢值得驕傲，係演員呢方面，旁人家事好難講。」相關新聞；

【向太稱成龍曾遭勒索】

吳綺莉兩度避回應：過咗身，唔好再講

http://bit.ly/2o2veK4【向太又嚟撐】

誇成龍有情有義陳嵐驚爆：佢私底下為呢件事喊咗好多次

http://bit.ly/2mZfoRB

	攝影：仇志德	嘉玲話人哋家事好難講。
嘉玲今晚同紅姑一齊出席活動。	成龍(資料圖片)	向太日前讚成龍係一個有情有義嘅人。(資料圖片)