梁家玉事前準備咗十幾個鐘。
雷頌德太太梁家玉（Jade）廚藝了得，她今日出席升級廚藝教室炮製甜品，她表示今次是首度面對觀眾做菜，問她是否習慣？她說：「好似平時咁做，冇乜緊張，因為都係做番我自己擅長嘅嘢。我為咗今日，之前喺廚房準備咗十幾個鐘。」
另外，她透露剛由英國回來，在藍帶廚藝學校上堂兩星期：「主要學整蛋糕裝飾同亞洲菜，最近幾日由朝八上堂到晚九，真係好攰，要喺廚房企足十幾個鐘，老師知我辛苦，都畀我挨吓。（有冇畀老公試吓？）有，我整咗個三層蛋糕，帶咗兩層返香港畀老公試，佢好鍾意食鮮果蛋糕。」問她會否有意開店，Jade坦言開店是很遙遠的事，認為利潤不高，大部分收入也用來交租。提到好友蘇永康早前添丁，Jade稱還未有時間探望對方的bb，問她會否向對方傳授湊仔心得？她說：「我三個小朋友都係自己湊，冇請過陪月，我比較信自己，三個都湊得好穩陣，養到肥肥白白，不過，湊小朋友好個人，每人有自己一套，但如果佢問我，我一定會分享心得。（蘇永康買好多衫畀小朋友？）佢有買啲，但唔會買得太過分，我都好戥佢開心。」
來源 source: http://hk.on.cc
|
鍾意就快D Share啦！
|
|
|
