苟芸慧表示王君馨（圓圖）將會在熱帶國家舉行婚禮。
藝人苟芸慧（苟姑娘）出席品牌慈善活動，提到好友王君馨將脫離單身行列，問何時輪到她？苟姑娘表示會有計劃，待身邊的姊妹全部嫁晒才到自己：「嫁埋君馨，我另外仲有個姊妹2018年嫁，應該係last個。（即係你2018年結婚？）努力plan吓。」
畀咩嘢衫就着咩嘢
問王君馨的婚禮何時舉行？苟姑娘表示是夏天，將在熱帶國家舉行。問哪個國家？她說：「唔係好遠，近近哋。（又話夏天舉行？）陽光與海灘咪夏天嘅地方。（姊妹團着比堅尼？）唔會。（之前君馨話唔會畀姊妹性感？）新娘話點就點，畀咩衫就着咩。」
送啲有意義嘅賀禮
問送甚麼給對方作結婚禮物？她透露原本想設計一set珠寶，但恐怕時間不足：「因為由設計到製造過程都需要啲時間，我中間有嘢做驚趕唔切，可能會喺travel（旅行）嘅時候買啲meaningful（有意義）嘅嘢送畀佢。」
未知有冇請陸漢洋
至於會否帶緋聞男友賽車手陸漢洋參加王君馨的婚禮？她說：「好似冇請佢，問吓新娘先。（未融入你朋友圈？）君馨好忙，成日要拍劇，所以我幫到就會盡量幫佢手，呢排要為姊妹裙度身。」
來源 source: http://hk.on.cc
|
鍾意就快D Share啦！
|
|
|
