呢日吳綺莉去咗Shopping。
藝人吳綺莉最近與女兒吳卓林關係陷入僵局，日前吳卓林更送往銅鑼灣一間私家醫院留醫，情況令人擔心。今晨11時半左右，戴住口罩的吳綺莉帶住外藉傭工，從大坑寓所出發，駕駛其黑色七人車到白建時道一間超級市場購物。吳綺莉落車時，被問到是否買東西給吳卓林時，面容憔悴的她即答謂：「唔係呀，屋企乜都冇。」但問到今日會否搵女兒時，她則未有回答，只答謂：「辛苦哂，個女冇事，OK，真係辛苦哂。」又請求記者不要跟她到超市裏面。
拿着物品的吳綺莉在12時左右離開超市，記者再問及其女兒時，她即雙手合十兼微微鞠躬答謂：「真係唔好意思，個女乜事都冇，OK，我走喇！（卓林幾時出院？）好快㗎喇！」與傭工上車後，她即駕車返回寓所。落車回寓所時，她無奈地唉了一聲，然後抽住家用品的她被問到身體狀況後即謂：「吓？邊個？（你。）我身體？食緊中藥囉！（要再睇醫生？）我咪就係睇中醫囉！（要覆診？）遲啲囉，另外都有朋友醫生畀啲放鬆神經（藥），我畀你哋（記者）搞到幾緊張，其實冇事、好小事，畀我抖抖，唔該。」閂大閘前，她被再被問到今日會否探女兒，她終於肯答：「會，其實冇乜嘢，唔該晒。」語畢後隨即步上樓梯回家。
另外，在吳綺莉於超市期間，停車場保安報警驅趕記者，擾攘一輪，警察經了解後，最後相安無事。
來源 source: http://hk.on.cc
|
鍾意就快D Share啦！
|
|
|
