4個月
日前鄺文珣和老公應德榮孖住選購沖奶機，其間佗 B四個月的她不停輕撫巨肚。
探熱針
走過婚姻危機 42歲鄺文珣第三胎佗得辛苦
結婚十一年，鄺文珣自言曾有長達五年的煉獄生活，每晚以淚洗面。兩夫婦花了兩年時間修補關係，現跨過婚姻危機，四十二歲的她重拾幸福，更高齡佗第三胎。雖然佗得辛苦，幸好有老公呵護，她坦言再懷孕是由恐懼到感恩：「老公一直想追個女，但我好驚，驚唔夠時間照顧兩個仔，有好多憂慮，唔敢再生，有咗係意外、係禮物！」
佗四個月巨肚
日前鄺文珣和商人老公應德榮在 ifc選購沖奶機，佗 B四個月的她巨肚如懷孕六個月，但手腳纖瘦，弗爆！老公拖實出入，非常體貼。
現在夫婦恩愛，但之前老公情緒出問題，鄺文珣成為出氣袋，情緒接近崩潰，一度以為離婚是出路。「兩公婆有過唔開心，依家睇到佢有改變，大家感情好好。」
老公煮孕婦餐
尤其懷孕初期，她情緒低落不想見人，非常疲累又沒胃口，體重急降，唯一吃得下的是白汁意粉，不懂烹飪的老公特別為她入廚。
「我唔係隻隻白汁意粉都食到，係某一間餐廳嘅先冇反胃，老公就去學煮嗰隻白汁。佢仲睇書學整其他嘢俾我食，負責買餸同接送小朋友，所有負擔喺晒佢身上。」她說。
已有兩個分別八歲及六歲囝囝的鄺文珣，跟老公一樣想追個女。
「其實都知 BB性別，但唔想講住。以前將焦點集中晒喺小朋友身上，依家會先專注夫妻關係，如果父母關係唔好，小朋友唔會有安全感。」
貪方便用沖奶機
開奶粉唔算難，但近年有些媽咪用沖奶機，包括 Jessica C.及名媛曾昭怡，日前鄺文珣亦去了選購。沖奶機跟咖啡機原理類似，將奶粉膠囊放入沖奶機，按掣就自動沖調配方奶及孕婦營養奶。賣點是溫度適中及不會有凝結的奶粉，價錢約二千多元，但必需配合同品牌的奶粉膠囊使用。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
