黃曉明帶Baby參加同學會。
最近搞完仔仔百日宴嘅大陸男星黃曉明，昨日就撇低仔仔同一眾北京電影學院的同學及恩師聚餐，曉明仲帶埋老婆baby見下老師，兩人以黑白情侶裝上陣，戴埋情侶帽真係襯到絕！佢哋一班同學就齊齊扮鬼臉影相，個個都表現生鬼，話晒都係電影學院畢業，呢啲嘢對佢哋嚟講真係濕濕碎！
而另一個焦點就係曾與曉明傳出不和的陳坤，當年曉明與陳坤合作電影，曉明被傳為了爭角色背後說了不利陳坤的話，自此之後兩人甚少聯絡，而昨日兩人一同參加同學會一齊獻吻恩師，陳坤轉發照片到微博留言：「20年，情真意切」，黃曉明則轉發表示「太愛你們了！」證明兩人已經成功破冰。而與黃曉明份屬同學的趙薇，昨晚就沒有參加同學會。
來源 source: http://hk.on.cc
|
鍾意就快D Share啦！
|
|
|