秋生係咪寸緊徐曉冬？
影星黃秋生在觀塘為ViuTV新節目做嘉賓，講到內地綜合格鬥狂人徐曉冬擊敗太極拳師魏雷，其後不少武林中人紛紛向徐曉冬下戰書，有習武的秋生就即謂：「嗰個（徐曉冬）犀利、打得！佢向中國武術挑機，我覺得幾似以前50、60年代香港咁，一個地方愈係落後愈係多咁嘅嘢！老實講，落後嘅標誌係咩，野蠻囉！唔順眼就揼你，咪野蠻囉！（佢都有寸李小龍。）咁李小龍都寸好多人嘅，李小龍細個時都係落後嘅年代，我細個都同人上天台隻揪，睇下邊個打得，呢啲咪落後嘅標誌囉。」
笑指自己係真高手唔會出戰
提到李連杰撐中國武林，秋生表示功夫門派甚多，其中一個武林人士被打敗，並不代表整個門派以至武林：「個人後生就難免狂妄，咁佢（徐曉冬）的確係打得！」又謂真正的高手未必會出戰：「例如我，我呢啲高手咪唔會出去打。（你係葉問喎！）我係『莫問』，問都唔好問我！」之後他又笑指魏雷同徐曉冬本身磅數條件差距大：「一個傻嘅走出嚟，唔代表成個中國武術唔得㗎嘛！」
來源 source: http://hk.on.cc
|
鍾意就快D Share啦！
|
|
|