慘慘豬！
無綫藝人鄧佩儀（Gloria）之前因拍攝網劇《降魔的番外篇》背部受傷，今日她復工宣傳劇集《不懂撒嬌的女人》，但行路硬晒軚，走路時要挺直腰間，間中亦要搵手撐住腰部。她透露當日拍攝吊威吔戲，被吊高兩至三米高，不慎拉傷：「當日係半夜三點，整親嗰陣都唔知，拍到天光開始痛要入急症，診斷係下半背部韌帶撕裂，已經抖咗十日，做咗三次針灸，廿支針插喺背脊加電流，好似畀火燒咁，但真係好番少少！依家仲係停工，太大動作都做唔到。（會唔會驚咗吊威也？）唔會嘅，拍打戲受傷總會有。（辭演《誇世代》覺得可惜？）好可惜呀！始終自己拍劇機會唔多，好珍惜每個機會，但個角色要打巴西柔術，真係冇辦法做到，女人條腰好重要，要生BB㗎！我希望30至35歲生BB，我已經諗定仔女叫咩名喇！（呢段時間有冇男士獻殷勤服侍你？）冇呀！普通慰問就有，我慣咗自己照顧自己。」
來源 source: http://hk.on.cc
|
鍾意就快D Share啦！
|
|
|