網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月13日 星期六

上海歷生死劫 孫耀威自揭娶陳美詩之謎 __,孫耀威,陳美詩,

共度生與死,方知對方最珍貴!孫耀威早前自爆已與拍拖8年的女友陳美詩(Macy)到美國秘密註冊,據知促成這決定,是與一次他與Macy的上海之行有關,話說 ...


共度生與死,方知對方最珍貴!

孫耀威早前自爆已與拍拖8年的女友陳美詩(Macy)到美國秘密註冊,據知促成這決定,是與一次他與Macy的上海之行有關,話說他被做酒商生意人恐嚇勒索數百萬,如果他不答應畀錢對方會挾他走,故當時他每日自備軍刀傍身,而軍刀更是打開,篤到他條褲都穿,當時他亦差點患上抑鬱,但期間Macy都不離不棄,故兩人感情經歷過生死。

決意取回公道

剛由廣西返港的Eric今日接受東網回覆,他說:「嗰個人係同我哋公司有生意來往嘅一間公司,呢件事內情好複雜,因為牽涉到我哋兩間公司合作嘅嘢,亦都因為交畀法庭去處理,所以細節唔方便去透露,不過我係因為呢幾年開始同佢哋合作,遇到好多問題,一路到呢段間,反而我係學習咗好多尤其係內地一啲法律上嘅嘢,因為到最後已經唔想再嘥錢去打官司,所以變咗Macy幫我,好似律師咁去draft類似上訴狀之類嘅物體,我哋膽粗粗覺得呢個世界仲有公平,去告佢哋同上訴,一開始告嘅時候我哋係告輸,但好彩,過程唔係拖得太耐,法院最終判我哋贏咗,攞番個公道。其實批酒仲喺度搞緊點樣交接,批酒有一啲同我哋之前訂咗嘅客,要去搵啲貨畀客,過程好複雜,但重點唔係嗰度,已經過去咗,其實反而件事令到我開心,雖然唔係咩開心事,但開心地方係喺呢個過程中我同Macy可以話係相依為命,膽粗粗同世界打仗,又畀我哋叫做打咗場勝仗,所以件事係唔好,但得着係我哋兩個人嘅默契。」

愛的人陪着我走

他續謂:「件事發生咗之後到依家,其實每次去番都冇再住喺上海嗰個地方,因為唔係好想再記番起,但係會唔會驚去上海呢?唔會驚,因為每次入境都會祈禱,每次去上海有個心態都想Macy陪住,好似有個人好清楚我心裏面擔心啲乜、諗緊乜,好清楚我發生過所有嘢嘅人,所以好想佢喺我身邊,會有好大嘅安全感。」

冇法短期內辦婚宴

他亦謂過幾日要去上海參加活動:「冇辦法,因為我自己有啲生意喺度,另外上海都係好多做嘢要去嘅地方,其實我好鍾意呢個城市,會用好積極態度面對,唔會話害怕,到依家好咗好多,唔會嘗試畀一啲咁壞嘅人去影響我鍾意嘅呢個城巿,因為我有朋友喺嗰到、有生意亦要繼續管理,唔可以去避。」問到他們幾時舉行婚禮?他謂:「如果要婚宴我諗冇辦法短期內搞到,我又未係覺得好急切要做呢樣嘢,反而想快啲搵到教堂去做呢個儀式,依家情況係積極搵緊教堂,睇吓點樣可以做到儀式,因為仲未交換戒指,所以要做番呢樣嘢,要交功課。」

靚相曝光

另外,孫耀威與Macy早前去了澳洲影婚紗相,並把靚相上載到社交網,並留言:「世外桃源!」相中就見到他們兩口子背靠背,個樣勁冧豬,簡直隔住個Mon都感受到有幾Sweet,不少網友都大讚佢哋合襯,猶如童話嘅公主同王子一樣,絕對靚人加靚景呀!有網友留言又表示想睇多些靚相,叫他甫多一點靚相!


來源 source: http://hk.on.cc
鍾意就快D Share啦!