唔係啩？
育有兩子的藝人鄺文珣，第三度懷孕，現已四個月身孕的她，今晚由老公陪同下出席中環舉行的活動，腹部已明顯凸起，但體態較前清減，她說：「因為初頭陀BB時，直頭唔想食嘢，唔想起身，暈陀陀咁，搞到冇營養，瘦咗好多，呢個係妊娠反應，今次陀BB比之前辛苦好多，完全食唔到嘢。啱啱知懷孕時，我哋去咗日本，去到日本行行吓好攰，老公都問我使唔使抖吓，但佢又要照顧兩個仔，我就死頂繼續行，結果有小產反應。」她說返港睇醫生後幸好無事，事後醫生跟她說原來當時的情況醫生也有少許擔心胎兒不穩，故自此後鄺文珣便多休息。
第三胎係意外
鄺文珣說因懷孕後初期兩個月，無食欲，多得老公照顧有加，令她好感動，她說：「好似突然好想食一間白汁意粉，老公就去學整，但未學得熟點整，我又轉咗想食第二樣。有時又專登去元朗買畀我食，有時又想食白糖糕，總之好多謝老公」問到此胎是女？她想保持秘密，她説：「其實知科技好犀利，好早期已經知啦。（你想追女？）都想，BB第一次照超聲波已趷起蘿袖仔畀我睇。（今胎是意外？）可以話係意外，老公一直想追多個，但自己有啲恐慌影響咗，擔心自己可唔可以再帶多個小朋友，今年我祈禱同神講，點知第二個月就有咗」她又說兩個仔已知道有BB即將來臨，原本着兒子不要告訴別人，但兒子第一日返學便告訴別人，不過她大讚細仔好乖，還學爸爸替她拿手袋，有感兒子有好大轉變，認真生性。
來源 source: http://hk.on.cc
|
鍾意就快D Share啦！
|
|
|