熱爆娛樂: 方便四個仔女讀書　陳浩民月租 14萬李嘉欣老公何文田獨立屋 [壹週刊

2017年6月29日星期四

方便四個仔女讀書　陳浩民月租 14萬李嘉欣老公何文田獨立屋 [壹週刊 - 1425] __,嘉欣,李嘉欣,李嘉,陳浩民,鍾嘉欣,M1,

探熱針

方便四個仔女讀書　陳浩民月租 14萬李嘉欣老公何文田獨立屋

多仔公陳浩民跟老婆蔣麗莎結婚六年，五年抱四擁有三女一子，由北角半山搬紅磡過千呎單位，不過依然唔夠住，為要有足夠空間給仔女走動，以及方便一對仔女返九龍塘學校，陳浩民最近以 14萬租住李嘉欣老公許晉亨旗下半山壹號物業，面積兩千多呎兼有泳池。廿四孝老豆唔易做。

老婆鍾情淺水灣

本來一家租住紅磡千呎單位的陳浩民，自從去年三月細女 Victoria出世後，他開始部署再搬大啲，不過大部分時間在國內開劇，加上近年老婆蔣麗莎搞美容生意周圍飛，兩公婆留在香港時間不多，這個月才正式入住新屋。

「佢哋早排成日約地產去睇樓，睇過好多地方，連香港區都睇埋，其實 Liza（蔣麗莎）鍾意淺水灣多啲，嗰度空氣好又有靚景，仲要租金冇半山壹號咁貴，不過最後陳浩民都扑鎚租呢度。因為佢試過朝早由紅磡送仔女返九龍塘學校，車程唔算遠，但已經覺得好攰好眼瞓，佢覺得小朋友日日咁返學都幾辛苦，所以寧願俾多啲錢住近學校，唔使仔女日日坐咁耐車先返到學校。」知情者說。

陳浩民租住的半山壹號業主是許晉亨持有。

半山壹號位於何文田，扑鎚搬新屋後，二人特地在何文田港鐵站拍照留念。

將新居其中一個 corner位 po上網。

蔣麗莎經常將仔女的萌照放上社交平台，大晒幸福。

努力搵銀交租

做老豆後，知道老婆湊仔辛苦，只要唔需要開工，甚少夜蒲的陳浩民大部分時間留在家，有時甚至做幾日全職湊仔公，給老婆

「自由時間」出外透透氣。

「佢兩公婆都好錫細路，每次出街盡量帶晒四個小朋友，都咪話唔吃力，不過搬入獨立屋有泳池地方又大，佢哋已經諗住暑假少啲出街，多啲請朋友返屋企游水開 party。浩民話要交咁貴租，更加要努力搵銀，近排少咗時間留喺香港，有咁大間屋都冇得享受。不過老豆賺錢仔享福，佢見到啲仔女咁鍾意新屋都開心嘅。」知情者說。