掃呢頁CODE去手機

2017年6月13日 星期二

【獨家】造人大計失效 46歲李蕙敏火紅三點式 復出依偎體操猛男 __,李蕙敏,

唱過絕世慘情歌《活得比你好》、《(你沒有)好結果》嘅李蕙敏(Amanda),今年再戰樂壇推出新歌《再度》,Amanda更破戒着火紅比堅尼拍MV,46歲 ...


唱過絕世慘情歌《活得比你好》、《(你沒有)好結果》嘅李蕙敏(Amanda),今年再戰樂壇推出新歌《再度》,Amanda更破戒着火紅比堅尼拍MV,46歲嘅Amanda風情萬種,身形甚弗。原來,之前Amanda同英籍老公Serge Micallef為造人延遲plug歌,甚至接受過IVF(試管嬰兒)技術協助,可惜都失敗而回。Amanda新歌MV喺《蘋果》率先曝光,重點當然係久違了嘅Amanda歌聲,呢次仲有佢大膽着比堅尼出鏡,Amanda接受電話訪問表示:「出海着比堅尼好合理,但其實都有壓力,自己第一次着比堅尼拍嘢,喺一個禮拜內都有捱過下餓,主要食雞肉同菜,唔食肉我會死,盡量6點後唔食嘢。」有冇話畀老公知着比堅尼拍MV?Amanda話:「梗係有,佢知道我試衫,冇話批准,佢好文明仲興奮過我,自己咁大個人,知道界線。」Amanda坦言因為之前嘅造人計劃,自己刻意食嘢,增肥10磅,所以為呢次MV減得好辛苦:「因為都過咗一段時間,連呢首歌都係為咗呢件事延遲plug,o依家已經年中,冇辦法再等。」問到造人唔成功會唔會好失望?Amanda嘆謂:「當然希望有梗係好啲,但自己今年幾隨心,因為越緊張越難有。」已屆高齡產婦界線嘅Amanda,原來曾接受過試管嬰兒技術醫學幫助,可惜都失敗:「我哋結婚4年,都係呢兩年開始造人,因為大家都忙,佢又要出trip,工作時間又長,上兩個月加緊(造人),自己仲將工作延後,我哋都有睇醫生,試過一、兩次IVF(試管嬰兒),但唔成功,我哋都好平常心,盡力而為,冇得心急冇得介意。」問到出碟係咪要暫停造人計劃?Amanda表示:「都唔係嘅,順其自然。」o依家專心做新歌嘅Amanda,《再度》情商專拍同志電影嘅導演雲翔同佢聯合填詞,仲請埋來自英國嘅猛男健身教練Luke做男主角,Luke仲曾經係當地體操代表隊隊員。兩人坐遊艇出海依偎曬太陽嘆香檳,Amanda表示:「呢首歌講情人知己,感覺有少少曖昧,因為主題講浪遊,所以借咗遊艇拍MV,自己好鍾意出海。」點解會搵雲翔一齊填詞?Amanda話:「佢係導演,之前搵我客串過電影,佢知我出新歌有興趣寫,佢未試過填詞㗎。」

今次請埋來自英國嘅猛男健身教練Luke做男主角,Luke曾經係當地體操代表隊隊員。 Amanda同英籍老公Serge Micallef為造人延遲plug歌,可惜失敗。
呢次仲有佢大膽着比堅尼出鏡。 Amanda(中)Luke(右)

來源 source: http://s.nextmedia.com
鍾意就快D Share啦!