掃呢頁CODE去手機

2017年7月24日 星期一

【曾遭父母反對】前港姐李姿敏譜忘年戀 嫁大24年練馬師賀賢 __,港姐,

(新增回應)53歲嘅本港澳洲籍練馬師賀賢(David),去年向29歲、2009年港姐亞軍李姿敏(Germaine)求婚成功,噚日兩人喺澳洲墨爾本正式拉 ...


(新增回應)53歲嘅本港澳洲籍練馬師賀賢(David),去年向29歲、2009年港姐亞軍李姿敏(Germaine)求婚成功,噚日兩人喺澳洲墨爾本正式拉埋天窗!婚禮上,Germaine邀請咗同屆港姐冠軍劉倩婷同季軍熊穎詩做姊妹,Germaine噚日好開心喺instagram上載開心片段,出嫁前與一班姊妹齊齊穿上絲質睡袍喺床上影合照。婚禮當日,Germaine穿上一條low cut婚紗裙,高舉花球與姊妹們一齊扭pat,玩得好開心。新娘子留言﹕「Big thank you to my gorgeous bridesmaids.(非常感激一班美麗嘅伴娘)」、「Let's see what the future holds.(即管睇下之後會點)」。由於李姿敏同老公年齡相距24載,李姿敏去年受訪時曾坦言父母起初好抗拒,就話:「初時爸爸媽媽都好抗拒,後來我哋相處落好好,好舒服,我哋之前一齊,後來分開咗兩年,再一齊好珍惜大家。我哋計劃生小朋友,而且想保持性別神秘,到生育時先揭曉。」(相關新聞﹕http://bit.ly/2uUT92S)其實李姿敏同馬圈早有淵緣,佢屋企人做過馬主,養過一匹「飛銀動力」,贏得2011年三級賽港澳盃。李姿敏同賀賢相差24年,忘年戀開花結果,但佢哋撻着愛火的地方,原來唔係馬場,而係健身室相識傾偈開始撻着。其實2009年嘅三甲佳麗已經退出娛樂圈,劉倩婷喺2013年嫁玄學家李丞責,並育有一女。而季軍熊穎詩三年前亦已低調嫁外藉男友。至於同屆最上鏡小姐袁嘉敏至今仍是單身,最近仲推出《親蜜》散文集加半裸相集。(相關新聞﹕http://bit.ly/2vN1n9I)身在澳洲嘅李姿敏今日接受《蘋果》電話訪問,難掩喜悅心情,佢話﹕「噚日婚禮好感動,我同David都喊。」

2009年港姐亞軍李姿敏嫁俾53歲嘅本港澳洲籍練馬師賀賢。 2009年三甲港姐,(左起)季軍熊穎詩、冠軍劉倩婷、亞季李姿敏。 李姿敏出嫁,一班姊妹一齊陪上頭。
劉倩婷明顯肚凸凸。
李姿敏同賀賢嘅婚照好簡單、舒服。 季軍熊穎詩三年前與外藉男友拉埋天窗。 熊穎詩唔介意喺ig晒身材,至今依然好fit。
袁嘉敏係2009年港姐最上鏡小姐,至今仍是單身。(寫真集圖片)

來源 source: http://s.nextmedia.com
鍾意就快D Share啦!