前全國政協劉夢熊今年2月出獄，清減咗好多嘅佢仲講笑話自己成功減肥（新聞連結： http://bit.ly/2tRVKW5 ），而且Dream Bear不忘狙擊梁振英。無論點都好，經過呢次患難，喺夢熊身邊依然有佢嗰位不離不棄嘅紅顏知己何綺雲（新聞連結： http://bit.ly/2tRQ4M9 ），早排佢哋繼續行孖咇去嘆下午茶，當日大概下晝4點幾，夢熊坐住全套西裝但冇打呔，瘦咗嘅佢望落有啲似導演陳果。夢熊同佢位紅顏知己一齊去到中環置地廣場嘆下午茶，一入座佢哋就揀咗卡位坐，佢哋兩個仲坐埋一邊，唔知係恩愛定預留位等人啦。其實兩個好似老夫老妻咁，一坐低就不停玩電話。見到夢熊雖然已經唔係政界中人，但係佢對時事新聞都好關心，不停用手機觀看YouTube，夢熊用嘅雖然係摺機，但都係可以上到網嘅智能電話。身邊嘅紅顏知己就睇緊新聞，睇完手機後，開始同夢熊傾偈，夢熊都係隨便應幾句就算。大概10多分鐘後，夢熊嘅兩位朋友先後嚟到坐對面，就算朋友嚟到都無阻夢熊睇手機，不過年紀有返咁上下嘅佢老花眼都睇得好辛苦。
| (採訪、攝影：吳耀輝) | | |
| | | |
| | |
來源 source: http://s.nextmedia.com
|
鍾意就快D Share啦！
|
|
|
