掃呢頁CODE去手機

2017年7月24日 星期一

【紅顏知己人人有?】「大少」擁逾千性伴侶 林建岳前妻女伴靈堂相遇 __,林建岳,

不乏紅顏知己喺身邊團團轉嘅,必數大名娛樂老闆「大少」林建名,先後有過兩段失敗婚姻嘅佢,喺2014年8月一個訪問中,自稱逾千個性伴侶,身邊女伴如走馬燈, ...


不乏紅顏知己喺身邊團團轉嘅,必數大名娛樂老闆「大少」林建名,先後有過兩段失敗婚姻嘅佢,喺2014年8月一個訪問中,自稱逾千個性伴侶,身邊女伴如走馬燈,07年及14年分別與戴夢夢、劉凱欣上契,2010年林建名與台灣名模姚韻到沙田馬場而傳緋聞,每次佢簽約嘅旗下藝人,不時會鬧緋聞,如趙碩之及尹蓁晞等,但最哄動可謂與何傲兒相隔52年嘅「爺孫戀」,林建名更為傲兒落淚。至於「大少」嘅同父異母胞弟林建岳,同樣風流,緋聞不少,一度傳出佢為咗追求王祖賢而鬧婚變,於95年離婚後,先後與林學華(Nany Lin)及台灣模特兒陳浥萍(Monica)等拍拖,其中Monica為佢誕下女兒,近年岳少有紅顏知己林寶賢(Michelle),今年3月,岳少同Michelle引入日本運動品牌Dance with Dragon,當晚喺中環舉行開幕禮,兩個仲孖住出席(新聞連結: http://bit.ly/2uUGRaC )。而喺13年1月,當岳少父親林百欣元配林賴元芳舉殯時,Michelle一樣有到場拜祭,更同岳少前妻謝玲玲喺靈堂相遇。另外,香港首富李嘉誠亦有紅顏知己周凱旋,兩人相交約24年,當代周凱旋創立公司,同前特首董建華家族及長和系合作嘅地產項目做顧問,喺93年一次傾項目意向書時,喺北京邂逅李嘉誠,其後佢不時關心已為鰥夫嘅李嘉誠,又約對方食飯。到98年李嘉誠獲頒城大榮譽博士學位,周凱旋以家人以親友身份入場幫手影相,更有傳佢同李嘉誠結伴shopping時十指緊扣!日前有傳李嘉誠有意明年退休,周凱旋其後透過微信指係胡亂報道,可見佢地位之重。而城中著名王老五、現年80歲嘅趙世曾,至今從未結過婚,只係先後同3位紅顏知己姚煒、盈盈及Terri Holladay誕下趙式芝、趙式浩同趙式正。77年與趙世曾相識相戀嘅姚煒,生咗趙式芝後,因忍唔住趙世曾嘅風流,離開對方。到84年,盈盈生咗趙式浩兩個月,發現趙世曾同台灣女星裴在美拍拖,原本諗住帶阿仔返加拿大,點知喺海關被截,原來係趙世曾申請禁制令,最後盈盈同意畀囝囝跟父親生活。至於Terri,曾與趙世曾訂婚,可惜2人分手,其後更試過以婚約對簿公堂,最終趙式正跟媽咪生活。而趙世曾身邊女伴車輪轉,亦越來越年輕,近期陪伴在側是內地佳麗Dora。

(資料圖片) 大少同何傲兒嘅一段「爺孫戀」甚為矚目。(資料圖片) 戴夢夢同大少唔止係老闆同員工嘅關係,仲係契父女。
大少身邊不乏女伴,不時換畫。(資料圖片) 新店開幕,岳少同Michelle(右)孖住現身,當日甘比都係嘉賓之一。(資料圖片) 岳少元配為謝玲玲
李嘉誠與周凱旋相交廿多年(資料圖片) 趙世曾與Dora多次被目擊一同外出(資料圖片) 趙世曾近年與Dora最接近(資料圖片)

來源 source: http://s.nextmedia.com
鍾意就快D Share啦!