網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月23日 星期日

【趕添丁?】 去年3月誕女 劉倩婷肚凸凸出席姊妹婚宴 __,劉倩婷,

【新增回應】噚日喺09年港姐亞軍李姿敏同澳洲籍練馬師賀賢嘅大婚之喜,李姿敏喺ig貼咗同一班姊妹嘅合照,佢哋仲一齊拍片扭patpat,非常搞笑。不過睇真 ...


【新增回應】噚日喺09年港姐亞軍李姿敏同澳洲籍練馬師賀賢嘅大婚之喜,李姿敏喺ig貼咗同一班姊妹嘅合照,佢哋仲一齊拍片扭pat pat,非常搞笑。不過睇真啲,同屆港姐冠軍劉倩婷穿上貼身姊妹裙明顯肚凸凸,扭動嘅時候特別小心翼翼,專登用手扶住個肚,條腰硬晒軚,疑似有喜。現年31歲嘅劉倩婷係同屆三甲中最早結婚一位,2013年下嫁堪輿學家李丞責,去年3月成功誕下囡囡阡辰。有指李丞責一向恨生仔,曾到武當山拜神求子。去年老婆啱啱生完,問佢會送禮物獎勵老婆?李丞責都好坦白話:「我同太太講話獎佢再生多個,佢眼都凸埋!其實我想買層樓送畀BB,我睇個市,下半年至出年上半年最適合。」(相關新聞﹕http://bit.ly/2beYTMN)《蘋果》記者打電話畀李丞責,問佢老婆劉倩婷係咪有喜時,李丞責話:「唔係喎,絕對唔係,有咗嘅話一定通知大家。」但睇相見到劉倩婷肚凸凸喎,係咪因為未夠3個月唔講得?李丞責笑住話:「100%唔係,佢而家喺澳洲墨爾本,嗰邊好凍,佢用咗好多暖包貼喺身啫,佢都有同我講嗰邊好凍。」咁而家兩公婆係咪努力再追多個?李丞責話:「係呀,努力中。」

劉倩婷幫李姿敏做姊妹,穿上貼身裙明顯肚凸凸。(ig截圖) 跳舞時專登托住個肚。
李丞責武當山拜神求子。(網絡圖片)

來源 source: http://s.nextmedia.com
鍾意就快D Share啦!