R.I.P.
日本作曲家平尾昌晃病逝，視平尾昌晃為恩師兼家人的歌手陳美齡，對於恩師病逝感到很寂寞，她說：「我始終係外國人，佢喺音樂界係大前輩，呢位大前輩成日撐我腰。佢走咗我好寂寞，以後邊個幫我撐？」講到恩師的喪禮，陳美齡表示只有平尾昌晃的家人辦理，但日後會有紀念會，希望屆時能出席。
恩師提攜到日本發展
提到與恩師的點滴，陳美齡說：「我嗰時喺香港唱歌先，麗的時代演出個慈善晚會，佢都有份演出。我畀咗第一張唱片畀佢，佢返到日本同日本唱片公司講喺香港聽到個女仔把聲好聽，好細個、好得意！之後日本唱片公司就搵我，如果唔係佢，我唔會去日本唱歌，佢係介紹我去日本嘅恩人。」她續説：「我喺日本第一首歌就紅咗，第二首都幾紅，不過兩首都唔係平尾昌晃寫嘅，第三首歌就係佢寫，首歌係非常紅。其實佢曾經寫畀我嘅歌，起碼有五首好紅。有人一首歌紅咗已經可以唱一世，我有五首，實在好難得。」
深得恩師喜愛
陳美齡又大讚平尾昌晃好善良，充滿正能量。早年美齡患上乳腺癌，並影響聲線，平尾昌晃便着她到自己的唱歌學校練聲，並親自監場教授，令她非常感激。而她亦很支持恩師的學校，經常將自己的歌衫捐贈給學校的學生。她說：「雖然我唔可以話係佢嘅徒弟，但佢咁多弟子之中，我係佢特別喜歡嘅其中一個，佢覺得我好努力。恩師好鍾意食一種曲奇，我成日寄畀佢食，又會寄啲漢藥畀佢，佢又會寄啲糖果和米餅畀我。」
來源 source: http://hk.on.cc
|
鍾意就快D Share啦！
|
|
|