呢個媽媽真係冇得輸。
歌手謝安琪（Kay）今年三月誕下細女張靖（Karina）後一直專心湊女，她與老公張繼聰早前為囡囡於主題樂園豪擺百日宴，而今日Kay亦在社交網站寫道囡囡已四個月大，更上載了囡囡的四格表情包，只見Karina表情多多，一時伸脷，一時皺眉，又碌大對眼及咪咪嘴笑，非常精靈可愛，除了與哥哥張瞻成個餅印之外，似乎亦遺傳了父母的演藝基因！
Kay大讚Karina學嘢快
Kay接受東網訪問，幾個月來忙於湊女的她表示不覺得悶：「因為對住小朋友日日有好多新鮮嘢學，同埋咁得意，對住佢幾耐都唔會悶。」又大讚囡囡學嘢學得快：「佢依家已經識翻身，將佢反轉咗佢識反番過嚟，我記得人哋話呢啲最快都要5個月大先識，但佢早一、兩個星期已經識，算學嘢好快，同埋佢成日同哥哥傾偈、玩，我幫佢哋拍咗好多片，好溫馨好開心！」她亦透露囡囡非常喜歡去街：「之前帶佢去主題樂園玩，以為佢咁細個唔識享受呢啲快樂住，冇真係帶佢入去玩，因為冇遊戲可以畀佢玩，就咁到此一遊影張相，住吓嗰度入面嘅酒店，點知佢都好開心，不停講BB話，又好似手舞足蹈咁，搞到我都好開心！」
暫時繼續唔接Job
而Kay謂現時仍然好深閨，每日在家湊BB，雖然有時好攰，但非常有滿足感，暫時不會接任何工作，又指大仔張瞻現時亦放暑假，有很多暑期活動，前幾日她就陪了張瞻去游水，她笑說：「我着咗件通花嘅衫，因為怕醜，身形未修番，但曬到我依家背脊都有通花，我依家都係件藝術品嚟！」
來源 source: http://hk.on.cc
|
鍾意就快D Share啦！
|
|
|