王君馨同老公Daniel今日喺美國會搞婚禮，請咗一眾合作過嘅同事，有唐詩詠、陳凱琳、許亦妮、黃智雯、姚子羚及李施嬅等。原來君馨有請好姊妹鍾嘉欣舊愛伍允龍……當年嘉欣BB當年同伍允龍拍拖8年，2015年宣佈分手，點知前年底，鍾嘉欣突然被爆嫁圈外男友Jeremy，嘉欣BB更宣佈懷孕，去年6月尾生咗囡囡Kelly!而伍允龍就先後同Super Girls隊長Aka、劉佩玥等傳出緋聞。估唔到事隔1年，佢哋喺王君馨婚禮「重遇」!!見伍允龍到場企喺個佈景板前面，個樣有少少避忌，未知佢係唔係一早見嘉欣BB企咗喺佈景板後，接受傳媒訪問時，佢哋全程都刻意迴避眼神咁，未有眼神交流，伍允龍就先行開。伍允龍接受訪問時，就話送咗大利是畀君馨，本身識新郎哥，但同王君馨熟啲，伍允龍原本喺深圳拍緊嘢，但佢趕過嚟，講到鍾嘉欣都喺度，佢話：「未見到佢喎，大家好耐冇見，見到都會打招呼，不過今日重點都係喺一對新人上面。」至於，講到感情狀況，佢話舊年十月忙到依家，冇時間諗呢啲。
| (攝影：陳俊強、陳順禎) | | |
| | |
來源 source: http://s.nextmedia.com
|
鍾意就快D Share啦！
|
|
|