夠晒恩愛！
王君馨與老公Daniel行完禮後，手拖手徒步到室外進行切餅儀式，一對新人由一眾兄弟姐妹團陪伴現身。君馨透露謂﹕「估唔到自己個婚禮會咁感動，酒會進場我自己就喊，仲送驚喜唱咗首歌送畀老公，佢完全估唔到我會咁做，仲問我做乜揸住支咪。我唱歌係想代表我對佢嘅愛。（咁老公又畀乜驚喜你？）佢今晚會有驚喜畀我嘅。」
新娘子坦言進場時心情緊張：「一入去就要唱，但我只係背咗少少歌詞，好彩都順利過關。（你喊唔停？）係呀，每次見到老公都覺得好開心，呢種感覺好奇怪。頭先嘅誓詞係我哋自己寫嘅。（有乜特別？）我寫畀老公嘅係話無論他朝我再遇到比佢更好、更適合、更靚仔嘅，我都一定會揀番佢，而我老公就話好期待同我一齊生活。我老公平時好少講嘢，但今日說話特別多，佢話王君馨呢十年嘅成就，身邊有好多人幫過我，要多謝大家。」
來源 source: http://hk.on.cc
|
鍾意就快D Share啦！
|
|
|