網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月11日 星期二

【半祼誘惑】終極性感散文集紀念入行十二年 袁嘉敏封胸淡出幕前做OL __,袁嘉敏,

擁34D豪乳袁嘉敏(Candy)一向亳不吝嗇身材,過往曾經喺銀幕中大膽演出,今個書展佢索性一齊加入戰團,半祼曬胸露股,終極性感上陣推出一本名為《親蜜》 ...


擁34D豪乳袁嘉敏(Candy)一向亳不吝嗇身材,過往曾經喺銀幕中大膽演出,今個書展佢索性一齊加入戰團,半祼曬胸露股,終極性感上陣推出一本名為《親蜜》散文集,紀念加入娛圈十二年,以後會封胸搣甩性感,淡出幕前做OL。書中有約七個造型,包括半祼、內衣誘惑、泳裝、晚裝等,特別之處係由袁嘉敏親自做美指,自資幾萬元成本買衣服、搵攝影師、化妝同髮型,主要想俾粉絲一個留念,同時自己珍藏呢輯自己做美指嘅相。見到照片中半祼上陣拍攝,袁嘉敏話:「有啲係冇著衫影,今次搵出版社好正經,近年都有唔同出版社搵我出寫真,大家開過會,都係高低炒角度,我想影得斯斯文文,所以一直搵緊可以配合的出版社,希望真係一本散文集加靚相,唔係好只係一輯暴露寫真照。」面對祼露場面有冇尷尬?袁嘉敏話:「搵咗女攝影師,化妝整頭兩人都係男仔,在場望住,唔係好緊要啦,我同佢地好close,呢part咗約四十張,揀幾張出書,以藝術感偏重。」花了五個月時間去完成散文集,袁嘉敏指最執著方係唔得罪人,唔係血淚史或者爆料書,內容會講到佢過去嘅經歷,外間對佢誤解或一啲非真實傳聞,袁嘉敏想以自己角度寫一次。最難忘情節竟然係讀書時期半工讀被誤水性陽花,而初戀竟然係發生在........袁嘉敏話:「有男士以為我好豪放,以為我有好多男友同Partner,其實我一放學去打工,做餐廳、清潔,成個中學時期都冇初戀,寫返呢段一路都有遺憾,只得返學返工,以前生活冇乜平衡,直至廿一歲時先初戀,喺餐廳工作,認識咗其中一個客人,佢成日幫襯我,當時喺跑馬地工作。」比較令袁嘉敏感觸講到之前有兩位男朋友唔可以細水長流,後悔以前唔識諗,好鍾意搵藝術家脾氣男友,經過痛苦經歷,一路寫一路有睎虛感,並憶述:「細個爸爸媽媽做街巿,小學一年級好細個就會落去幫手,大啲就去澳洲讀書一路讀書工作,為生活好奔波,有時會好羨慕身邊同學讀書唔使咁辛苦,只係返學,出來工作又好舒服坐office,我就好似成日跑來跑去居無定所。」

袁嘉敏以後會封胸搣甩性感
之後會淡出幕前做OL 袁嘉敏讀書時期半工讀被誤水性陽花

來源 source: http://s.nextmedia.com
鍾意就快D Share啦!