黃心穎話如果馬國明搬屋搞入伙party， 唔介意見家長！
藝人黃心穎現身公開活動，提到她近日頻頻出活動搵真銀，心穎笑言：「因為之前拍劇少咗搵錢嘅機會，經理人好好，知道我要供樓，所以幫我搵多啲嘢做。（供幾多錢？開始供未？）每月都要超過2萬，11月開始供，仲有時間去籌錢，睇吓有冇善長人翁。哈哈！（可以搵緋聞男友馬國明。）佢自己都要供樓。」
唔介意見家長
心穎指馬國明現身在歐洲工作，而她稍後亦要飛到倫敦拍攝旅遊節目，拍檔是一位韓國搖滾歌手，問她有否學定幾句韓文？她坦言：「我哋用英文溝通，我都識四、五句韓文，預拍到今個月尾。（會唔會喺歐洲會合馬國明？）唔會喇，返香港先見。佢返到香港又要忙住搬屋。我都未諗到送咩入伙禮物畀佢。（放啲自己嘅私人物件喺佢屋企？）唔會。（叫佢畀條鎖匙你？）唔使。」問到會否趁馬國明新居入伙時拜訪對方家長？心穎直言如果馬國明搞入伙派對，不介意到時見家長，但不會特意去拜見，因為太尷尬，又指從未見過對方父母。
來源 source: http://hk.on.cc
|
鍾意就快D Share啦！
|
|
|