靚靚爆當年因為失場得罪成龍。
袁詠儀（靚靚）喺社交網晒同成龍合照，一相泯22年恩仇，靚靚仲話成龍送咗份禮物畀佢添，不過，好多人都想知成龍當年點解嬲咗靚靚，靚靚接受東網電話訪問時就娓娓道來！
靚靚話：「其實呢個飯局係曾志偉、汪明荃發起，係邀請啲香港藝人返大陸做嘢遇上唔開心事，大家拎出嚟傾吓，志偉初時只邀請張智霖，冇叫我，不過我記番起一、兩年前知道成龍唔鍾意我，所以希望藉今次機會見吓成龍，所以我自告奮勇問志偉可唔可以去，志偉就話可以。而成龍知道我嚟後，所以就用當年合作嘅電影《霹靂火》菲林製作嘅間尺送畀我，非常珍貴。」
靚靚又話喺現場當年問成龍有咩得罪佢，靚靚話：「成龍當時話我唔講佢都唔記得咗件事，原來係我廿年一次失場，令到佢有啲唔開心，不過依家冇嘢喇！」靚靚坦言自己唔知發生乜嘢事，只怪當年少不更事：「嗰時剛出道，真係要了解當時發生咩事而得罪人都唔知，真係唔好意思，令到成龍唔開心，不過依家冇事喇！」
來源 source: http://hk.on.cc
|
鍾意就快D Share啦！
|
|
|