好似JW咁好嘅女朋友喺邊度搵？！
歌手王灝兒（JW）近年事業發展一帆風順，風光背後原來有段辛酸史！她自爆追夢期間試過零收入，為了維持生計而做兼職。感情方面，她與圈外男友感情穩定，但明言會堅持做音樂，暫時不打算做少奶奶。
街頭表演風氣近年在港更見熾熱，愈來愈多年輕人走上街頭演出，與觀眾打成一片，JW亦將參與大家樂贊助的《大家樂壇2017》，屆時會在尖沙咀街頭分享音樂，為年輕音樂人打氣。JW透露入行前亦曾在街頭表演音樂：「當時喺街頭唱歌，亦試過喺商場表演，觀眾唔認識你，但佢哋願意停低，花時間聽你唱歌，滿足感更大。（之後再喺街頭表演音樂？）我都想，因為可以同觀眾近距離互動，面對面分享音樂。」
做兼職維持生計
為夢想，可以去到幾盡？在香港玩音樂搵唔到食，但入行至今七年的JW，仍堅持投身音樂，源於熱愛音樂的一團火，即使初入行時試過零收入，她認為做兼職幫補生計亦很值得：「一開頭真係搵唔到食，大家都唔認識你同你嘅音樂。我一見就快冇收入就去做兼職，幫朋友做市場推廣嘅工作，又會同家姐試吓賣衫。同埋自己冇太多收入時，會食多啲住家飯，買少啲嘢慳錢，盡量慳得就慳。」
堅持夢想做音樂
JW續說，轉投新公司前經歷過空白期，當時對去向感到迷惘，幸而隨後的作品均獲得正面回響，令她重拾自信。JW如今事業愛情兩得意，與圈外富貴男友葉韋彤關係穩定，問到有否計劃退出幕前，過少奶奶生活？她笑說：「冇呀，反而男友成日都話『不如你養我』，哈哈！」她表示會一直堅持做音樂，未來更打算與不同音樂人合作。
場地：香港藝術中心
來源 source: http://hk.on.cc
|
鍾意就快D Share啦！
|
|
|