藝人陳貝兒（Janis）在將軍澳出席無綫節目《嫁到這世界邊端》記者會。她在台上笑指自己拍攝節目時的確有點激動，但指編導岑應比她喊得仲勁。當講到在阿聯酋拍攝時，她在當地服裝店買衫，當攝製隊攞出器材拍攝時，女店員即黑面更出言「恐嚇」，指她就算返到香港也會有關乎人身安全的危險，兄弟姊妹也會受威脅，陳貝兒就自嘲：「依家係生係死冇人理，我離咗婚！」而當麥雅緻等嘉賓上台分享婚姻時，陳貝兒更一時感觸，要走到場地後方拭淚，之後強忍淚水繼續完成活動。
冇涉及第三者
之後，她用十分鐘補妝才接受訪問，更謂：「好多謝大家關心！」又指決定離婚是去年的事，心情復原得七七八八，但睇預告片時勾起部分回憶，所以情緒激動少少：「離婚個程序仲進行緊，依家係分居階段。（牽涉第三者？）冇第三者，係喺和平氣氛下有呢個共識。（唔捨得？）始終六年關係，冇人結婚係想離婚。」
「放下然後向前出發」
問到何人提出時，她即開始眼濕濕：「邊個提出都唔緊要，件事好和平，大家都做得番朋友。（冇彎轉？）會向前看、接受，大家都傾過，面對、放下然後向前出發。（有聯絡？）有聯絡，大家都做到朋友。」問會否介意被爆離婚，她坦言身邊朋友都知，只是沒有特別公開講：「係拍攝時有少少激動所以有人問起，我又冇諗住隱瞞、講大話，同埋大家都決定咗。公司都唔知道我Status，都要講番聲唔好意思，其實個節目好Positive，只係我觸景傷情。」
冇刻意隱瞞
問會否覺得被公司擺上枱宣傳，她即指事件只是時間上的巧合：「始終件事已經決定咗，有人問到我都好難隱瞞，冇人結婚係想離婚，都冇人想將呢件事大聲講。」問會否找出爆料者，她即謂：「其實我都冇刻意隱瞞。（講咗出嚟舒服啲定壓力大咗？）咁都係要面對嘅。」
覺得對唔住家人
問家人對其離婚的反應，當記者指當年是由奶奶撮合結婚時，她即忍不住爆喊，要轉身拭淚，待一會心情稍為緩和時才答謂：「覺得自己好對唔住爹哋媽咪同佢爹哋媽咪，但我同佢都有努力過，唔好意思，令老人家擔心、傷心。」
|
鍾意就快D Share啦！
|
|
|