《戰狼2》呢期上映，喺大陸好收得，主角吳京仲被人拎番以前佢同甄子丹嘅恩怨嚟講，仲話到明兩人當年喺《殺破狼》開始已經不和……吳京最近氣勢如虹，票房直衝50億，仲煞有介事講咗句：「謝謝他(甄子丹)當初的看不起。」（新聞連結： http://bit.ly/2uEQbvF ）日前網上有一份聲稱係吳京嘅回應，話甄子丹從來冇講過睇唔起吳京嘅說話，又指《殺破狼》巷戰係經費不夠的情況下，甄子丹求製片人特意俾吳京加一場戲，「甄子丹一心想讓別人出彩想完成一個好的電影沒想到多年之後竟然成為一把捅他自己的刀。」(新聞連結: http://bit.ly/2uEQbvF )花生不絕。今晚，甄子丹終於現身——喺微博發聲明，話自從2012年開始，呢類中傷嘅網上攻擊就冇停過，因為不想蹚進這淌渾水裡，所以冇去理會呢啲消息，今次出聲，係唔想有無辜嘅人受害，不得已先發聲。喺聲明入面，甄子丹話打壓吳京嘅內容都係捏造，順便仲恭喜埋《戰狼2》票房成績好，仲專登tag埋吳京。仲有一樣，甄子丹話噚晚微博有異常登錄，有人試圖惡意入侵，佢已經報警處理追究法律責任。至於被tag嘅吳京就未有回應。甄子丹微博發聲全文：今日在獲知如此離譜的惡意中傷消息後，我非常震驚！經新浪微博後台查詢，發現昨晚微博有異地異常登陸，是賬號被入侵登陸後的惡意而為！現已接受微博平台建議：報警後查入侵賬號者身份，勢必追究其法律責任。最近又有一些造假的文章出來說我怎樣打壓吳京，各種荒謬、捏造的故事和報道均不是事實。作為動作演員，《戰狼2》的成績令人鼓舞，更帶動了中國動作電影熱潮。我衷心恭喜吳京有這麽驕人的成績，他的努力有目共睹。他今天的成功，我也為他非常高興。這些年來玩微博全是想跟粉絲分享生活上的點滴，但網上的攻擊，計從2012年開始一直沒有停下來。一直不去理，是不願被拉入無聊的商業遊戲，也不想浪費媒體資源為自己辯明是非。今次本人不得已發聲，是為不再受汙水，亦是為阻止惡毒挑撥，令無辜之人受傷害。
|
鍾意就快D Share啦！
|
|
|