陳煒對隱瞞離婚表示歉意。
無綫藝員陳煒驚爆五年前已經與台灣商人顏志行離婚，她對瞞「分」表示歉意。公開承認已離婚的陳煒在油麻地繼續為無綫劇《果欄中的江湖大嫂》開工，現場所見她未有受事件影響，開工時不時與工作人員有說有笑。事有湊巧劇情剛剛又拍攝到陳煒被前夫張國強派來的手下追至果欄，陳煒與「前夫」認真有緣。
同前夫保持聯絡
陳煒公布離婚後獲不少朋友鼓勵、打氣，令她感到溫暖。講到正式公布離婚，問現時的心情如何？她說：「OK呀，因為件事真係好耐，最難係衝破呢個關口同大家講，承認呢件事。（有冇擔心過負評？）冇擔心太多，都係正常交待一次。（呢排有冇同前夫聯絡？）有聯絡，佢都叫我保重，支持我咁。（會唔會再見面？）一直都有保持聯絡，佢嚟香港有空檔會見吓面。」
冇諗復合
講到畢彼特與安祖蓮娜祖莉有望世紀復合，問陳煒與前夫可有轉機？她說：「呢五年都係幾長嘅時間，我自己呢個時候就覺得唔會。人哋還人哋，每個人對感情處理都唔同，冇諗呢啲，唔諗住喇！（在劇中又講前夫有冇觸景傷情？）咁啱啫，戲劇就係咁，唔會觸景傷情。（公布離婚會唔會係一個了結？）會呀，我唔係一個講大話嘅人，之前比較難過到自己，其實瞞咁耐自己都唔好過。」此外，黃浩然亦在果欄拍攝奔跑戲，在酷熱下拍到身水身汗。
來源 source: http://hk.on.cc
|
鍾意就快D Share啦！
|
|
|