啡唇唔一定係貴嘢！
星級潮媽張栢芝經常喺Instagram同粉絲分享佢嘅日常事，今朝佢就喺Instagram上載咗兩條片，分享佢買鞋嘅體驗。咪以為栢芝用開嘅嘢就一定係名牌嘢，其實佢買嘢係不分平貴與否！今朝，佢就喺中環攤檔睇啱咗兩對「白飯魚」，仲唔介意放下明星身份，即席喺街頭豪邁試鞋。栢芝表示：「我好鍾意呢啲地方，我喺度買『白飯魚』，就真係『白飯魚』，唔係某牌子嗰啲喎！」栢芝仲親切地問睇檔嘅伯伯有冇黑、白色，果然一啲明星架子都冇。買完心頭好嘅佢，之後仲喺附近買咗杯鮮榨果汁，同普通愛掃街嘅人無異。
隔咗冇幾耐，栢芝返到屋企後就急不及待仔細再試鞋。佢仲開心Share潮流心得：「我成日都買『白飯魚』，咁咩叫『白飯魚』呢？大家都應該返學都有見過㗎喇！其實佢個底冇咁舒服，冇普通貴嘢咁多Details啦，但Actually佢係好好用嘅。黑色同白色我都覺得好正！我喺唔同時尚嘅地方會着嚟襯啦，有時直情會踩踭，或者用嚟油（顏色）啦，都係一件好好嘅事情。」
來源 source: http://hk.on.cc
|
鍾意就快D Share啦！
|
|
|