網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月6日 星期三

【全城爭住食】羅霖連食兩晚 揭鼎爺$2,000一位私房菜究竟食啲乜 __,鼎爺,羅霖,李家鼎,

潮流嘅嘢,當然要快人一步,理想先達到。兩輯《阿爺廚房》除咗令鼎爺人氣爆升,最重要係財源滾滾,食住個勢,鼎爺間私房菜啱啱就喺周日(3號)開張。私房菜設喺 ...


潮流嘅嘢,當然要快人一步,理想先達到。兩輯《阿爺廚房》除咗令鼎爺人氣爆升,最重要係財源滾滾,食住個勢,鼎爺間私房菜啱啱就喺周日(3號)開張。

私房菜設喺銅鑼灣V Point,收費唔係人人食得起,1千蚊位起跳(已計加一),訂位客人亦要4個人以上,至於最貴嘅Menu,就承惠2,000蚊一位(已計加一),不過就可以親自睇鼎爺煮理菜式。

雖然屬天價,但訂單已經爆滿到年底,即使有錢食,都未必咁快食到。

天價嘅菜色,要睇性價比究竟高唔高,當然要睇鼎爺用嘅食材同功夫。呢幾日,城中食過嘅圈中人,包括羅霖、陳嘉寶嘅半億富二代男友黃頌祈(Epaphras),同美食Blogger Bonnie Chu都有去食。

未食前,人人例牌俾相機食先,喺Epaphras嘅live短片中,鼎爺親自喺食客面前開魚、又會同食客吹水互動吓。

據知有去食過嘅人就透露,房中有部電視,就會直播鼎爺喺廚房煮餸情況,電視螢幕中,所有切菜嘅工序,鼎爺都係自己一手一腳做。

哦,原來絕大部份時間都係睇電視直播,仲以為鼎爺會隔住塊玻璃,邊整餸邊同客人吹水㖭。

噚晚慶祝生日嘅Bonnie Chu,今日就回應《蘋果》:「最欣賞佢個悟能懷鳳胎、阿爺乞兒雞同荷葉蒸方利。因為真係好考功夫,係心機菜,鼎爺亦好好,我話想食啲好懷舊嘅菜,佢就特別整呢啲菜色俾我,我嗰個menu,係同平時嗰啲唔同㗎。」而據知噚晚餐飯,17人食,最後埋單3萬6千蚊。

至於連續兩晚都有去鼎爺私房菜嘅羅霖,就大讚私房菜菜色好食。羅霖話:「大家都知鼎爺煮嘅嘢原汁原味,手法地道同懷舊,家嘅感覺好重,所有嘢唔會落味精同雞粉,不過連續兩晩去食,就驚自己會增肥少少囉!」羅霖話自己最愛菜色係悟能懷鳳胎、蒸魚同蟹蒸陳村粉。



鼎爺喺開條魚同雞嘅時候,會親自出嚟表演。(陳嘉寶男友Epaphras IG截圖) 至於其他時間,客人就只可以透過電視睇鼎爺嘅煮菜過程。(陳嘉寶男友Epaphras IG截圖)
$1,888菜譜,花膠去骨鵝掌燴柚子皮同阿爺乞兒雞都係考功夫菜式。 呢個特別菜譜係鼎爺專為blogger Bonnie設計嘅,而Bonnie就最欣賞悟能懷鳳胎呢道菜。 鼎爺「大孖」李泳漢都有帶埋老婆、囝囝一齊嚟。
羅霖連續兩晚都有去私房菜食。

陳嘉寶男友都有去。
阿爺乞衣雞 鼎爺話乞衣雞嘅精髓就係最緊要呢條北方大頭菜。(Bonnie IG截圖) (Bonnie IG截圖)
至於荷葉蒸方利,鼎爺淋豉油時,鼎爺落路要淋喺條魚嘅側邊,否則條魚會變酸。 紫晶生炒骨 花膠鵝掌油子皮
豬肚包雞酒 前菜小食有酸薑皮蛋同秘製醉鮑魚 即使俾最貴價,客人都只可以喺開雞同開魚時間見到鼎爺,其餘時間就只可以喺電視見到鼎爺喺廚房整理菜色。

鍾意就快D Share啦!