網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月6日 星期三

【唔嘥時間睇評論】網民嘲笑哨牙 雷莊 __,

前日出爐嘅港姐,今日繼續領獎行程,冠軍雷莊𠒇(Juliette)連日受網民攻擊,佢都冇受影響,對於網民負評同惡搞佢嘅招牌哨牙,Juliette話好忙冇 ...


前日出爐嘅港姐,今日繼續領獎行程,冠軍雷莊𠒇(Juliette)連日受網民攻擊,佢都冇受影響,對於網民負評同惡搞佢嘅招牌哨牙,Juliette話好忙冇時間睇,有時間都情願休息,又或者同家人傾偈。

講到佢網上直播被指態度囂張,Juliette解釋可能大家唔明白佢嘅意思,因為佢英文比較好,先用英文表達,認為網民有好多負面思想,佢都想大家唔好聽太多負面嘢,帶些正能量俾佢哋,唔想因為咁同人嗌交,Juliette又稱自己唔會受網民影響,自己仍然好開心,亦唔會嘥時間去睇網民評論,有時間佢都會再玩直播,Juliette稱目前反而想專心學好中文。

被問到佢爆牙被網民笑,Juliette自言知道自己個笑容大,之但係佢覺得冇問題,係笑得幾開心,仲話牙醫男友覺得好奇怪,點解啲人覺得女友棚牙有問題要做箍牙手術,平時都男友都係傾吓啲日常生活嘢,亦未知男友會唔會嚟香港,因為男友雖然係牙醫,不過仲要繼續深造,學習多6年,自言對男友有信心,覺得Long D都唔會分手;對於黃秋生喺網上支持,Juliette笑言不知秋生是誰,但都好多謝佢。

此外,同場亞軍何依婷今日有啲攰,佢就話選完買衫嚟獎勵自己,何依婷仲話冇男友,冇人送嘢俾佢,連日Juliette連日被網民負評,何依婷讚Juliette夠堅強,唔受外界影響,認為自己都要向Juliette學習,欣賞Juliette樂觀、正面嘅性格,而季軍黃瑋琦參選至今與Juliette都係好友,唔覺得對方受抨擊而唔開心。

Juliette話唔會嘥時間睇網上嘅評論。 港姐冠軍Juliette



亞軍何依婷 季軍黃瑋琦
張寶欣 被網民惡搞。(網上截圖) Juliette嘅牙醫男友(資料圖片)

鍾意就快D Share啦!