岑杏賢話佢就算有拖拍都唔會同袁偉豪講。
藝人岑杏賢（Jennifer）出席「香港鐘表展」國際名錶萃薈交流晚宴，以低胸裝現身的她表示沒有儲錶習慣，但在英國第一份工作就是幫人維修手錶。她表示近日同朱千雪在big big channel有一個直播節目叫《心理急救室》：「工作量就多少少，但都會大家分時間去做。另外自己又幫人心理輔導，想用輕鬆方式紓緩人哋壓力。」
衷心祝福袁偉豪
提到舊愛袁偉豪現時有拍拖，問Jennifer心情怎樣？她說：「戥佢開心，我哋私底下有短訊，最緊要搵到適合嘅人。（咁你搵到對象未？）我都有識多咗朋友，對我做心理輔導有幫助，需要我幫手都覺得係開心事同有意義。（搵到啱未？）暫時仲未出現，但每一個認識都有機會，相處適合會自然啲。（對於舊愛搵到另一半有冇心噏）冇，我哋分咗手佢有權搵另一個，衷心祝福佢，戥佢開心多過心嗡。」
感情事自己處理
對於袁偉豪早前的祝福，Jennifer說：「多謝佢關心，多咗個朋友用另一個方式愛我，再見亦是朋友。（拍拖會唔會同佢講？）未必會，留番自己處理，因為怕煩到人。（佢有女友所以唔方便？）佢唔方便你都問番人。（千雪有拖拍會唔會叫佢介紹？）愛情交番畀自己處理最好，自己最了解。（急唔急？）唔急，屋企人都冇催，我又享受單身同工作，順其自然等佢自己發生好啲。」
來源 source: http://hk.on.cc
|
鍾意就快D Share啦！
|
|
|